2026 жылғы 11 қыркүйекте Жамбыл облыстық аумақтық сайлау комиссиясының кеңейтілген кеңесі өтіп, онда 2026 жылғы 13 қыркүйекке тағайындалған ауылдық округ әкімдері сайлауына дайындық жұмыстарының барысы қаралды.
Кеңес барысында АСК төрағаларының есептері тыңдалып, сайлау учаскелерінің дайындығы, сайлау комиссиялары мүшелерін оқыту, сайлау процесін ұйымдастырудың қадамдық алгоритмі, азаматтардың, оның ішінде мүгедектігі бар азаматтардың сайлау құқықтарын қамтамасыз ету, сондай-ақ сайлау учаскелерінің қауіпсіздігі мен үздіксіз жұмысын қамтамасыз ету мәселелері талқыланды.
Кеңес қорытындысы бойынша аумақтық және учаскелік сайлау комиссияларына бірқатар нақты тапсырмалар беріліп, олардың орындалуы бақылауға алынды.