Қазақстан Республикасы Орталық сайлау комиссиясының отырысы өтті
2026 жылғы 3 тамызда Астана қаласында Қазақстан Республикасы Орталық сайлау комиссиясының кезекті отырысы өтті.
Отырысқа Жамбыл облысынан облыстық сайлау комиссиясының төрағасы Серғали Айдапкелов және комиссия мүшелері, облыс әкімі аппараты басшысының орынбасары Серік Құрманбеков және жауапты уәкілетті мемлекеттік органдардың мамандары қатысты.
Күн тәртібіндегі бірінші мәселе бойынша, облыс әкімі аппараты басшысының орынбасары С. Құрманбеков баяндама жасап, облыста сайлаушылар тізімдерін қалыптастыру және оларды сайлау комиссияларына ұсыну жұмыстарының Қазақстан Республикасының сайлау заңнамасына сәйкес ұйымдастырылғаны туралы есеп берді.
Сондай-ақ сайлаушылардың деректерін өзектендіру, жауапты мемлекеттік органдармен өзара іс-қимыл және тізімдерді белгіленген мерзімде ұсыну бойынша атқарылған жұмыстар жөнінде мәлімет берді.
Орталық сайлау комиссиясының отырысында күн тәртібіне сәйкес, 2026 жылғы 23 тамызға тағайындалған Қазақстан Республикасы Құрылтайы депутаттарын сайлауға дайындықтың өзекті мәселелері, оның ішінде онлайн-сервистердің жұмысы, дауыс беру құқығын беретін есептен шығару куәліктері, сайлау бюллетеньдерін әзірлеу және шет мемлекеттер мен халықаралық ұйымдардың байқаушыларын аккредиттеу мәселелері де қаралды.
Жамбыл облыстық аумақтық сайлау комиссиясы