2023 жылғы 19 наурызға тағайындалған Қазақстан Республикасы мәслихаттары депутаттарының кезектен тыс сайлауын әзірлеу мен өткізу жөніндегі негізгі іс-шаралардың күнтізбелік жоспарын бекіту туралы
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 14-бабының 2) және 8) тармақшаларына сәйкес Жамбыл облыстық аумақтық сайлау комиссиясы ҚАУЛЫ ЕТЕДІ:
- Қазақстан Республикасы Орталық сайлау комиссиясының 2023 жылғы 19 наурызға тағайындалған Қазақстан Республикасы мәслихаттары депутаттарының кезектен тыс сайлауын әзірлеу мен өткізу жөніндегі негізгі іс-шаралардың үлгі күнтізбелік жоспарын бекіту туралы 2023 жылғы 20 қаңтардағы № 18/671 қаулысы басшылыққа алынсын.
- 2023 жылғы 19 наурызға тағайындалған Қазақстан Республикасы мәслихаттары депутаттарының кезектен тыс сайлауын әзірлеу мен өткізу жөніндегі негізгі іс-шаралардың күнтізбелік жоспары бекітілсін.
- Қалалық, аудандық аумақтық сайлау комиссиялары тиісті Күнтізбелік жоспарларды әзірлесін және қабылдасын.
- Осы қаулы Жамбыл облыстық аумақтық сайлау комиссиясының интернет-парақшасында орналастырылсын.
Төраға С. Айдапкелов
Хатшы А. Боранбаев
Тараз қаласы
2023 жылғы 20 қантар
№ 5