ЖОБА Жамбыл облысы әкімдігінің 2020 жылғы 29 қазандағы «Жамбыл облысы аумағында карантиндік режимді енгізе отырып, карантинді аймақты белгілеу туралы» № 252 қаулысына өзгерістер және толықтырулар енгізу туралы
Жамбыл облысының әкімдігі ҚАУЛЫ ЕТЕДІ:
- Жамбыл облысы әкімдігінің 2020 жылғы 29 қазандағы «Жамбыл облысы аумағында карантиндік режимді енгізе отырып, карантинді аймақты белгілеу туралы» (Нормативтік құқықтық актілердің мемлекеттік тіркеу тізілімінде № 4782 болып тіркелген) № 252 қаулысына келесі өзгерістер және толықтырулар енгізілсін:
көрсетілген қаулының 1, 2, 3 - қосымшалары осы қаулының 1, 2, 3 -қосымшаларына сәйкес жаңа редакцияда жазылсын;
көрсетілген қаулы осы қаулының 4, 5 - қосымшаларына сәйкес 5, 6 - қосымшаларымен толықтырылсын.
- «Жамбыл облысы аумағында карантиндік режимді енгізе отырып, карантинді аймақты белгілеу туралы» Жамбыл облысы әкімдігінің 2019 жылғы 1 қазандағы № 216 қаулының (Жамбыл облысының Әділет департаментінде 2019 жылғы 3 қазанда № 4345 болып тіркелді) және «Жамбыл облысы аумағында карантиндік режимді енгізе отырып, карантинді аймақты белгілеу туралы» Жамбыл облысы әкімдігінің 2017 жылғы 29 желтоқсандағы № 284 қаулының (Жамбыл облысы Әділет департаментінде 2018 жылғы 16 қаңтарда № 3680 болып тіркелді) күші жойылсын деп танылсын.
- «Жамбыл облысы әкімдігінің ауыл шаруашылығы басқармасы» коммуналдық мемлекеттік мекемесі Қазақстан Республикасының заңнамасында белгіленген тәртіпте қамтамасыз етсін:
1) осы қаулыны Қазақстан Республикасының Әділет министрлігінде мемлекеттік тіркеуді;
2) осы қаулыны ресми жариялағаннан кейін Жамбыл облысы әкімдігінің интернет-ресурсында орналастыруды.
- Осы қаулының орындалуын бақылау Жамбыл облысы әкімінің жетекшілік ететін орынбасарына жүктелсін.
- Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.