Қазіргі таңда аудан көлемінде жалпы саны – 31 азаматтық қоғам институттары жұмыс жасайды. Олардың ішінде, әлеуметтік тұрғыдан осал топтарын қолдау, жастар саясаты, гендерлік саясат, дін және Рухани жаңғыру саласы, Қазақстан Республикасының заңнамасына қайшы келмейтін өзге де маңызы бар әлеуметтік бағыттар бойынша 20 қоғамдық бірлестік, 11 қоғамдық қор тіркелген.
Статистикалық мәліметтерге сәйкес Жуалы ауданы бойынша жалпы халық саны – 52 990 адам, оның ішінде 14-29 жас аралығындағы жастар – 13 946. Бүгінгі күні жастарымыз жалпы аудан тұрғындарының – 26,3 %-ын құрап отыр.
Жуалы ауданы бойынша діни ахуал тұрақты сипатта. Аудан көлемінде 27 діни ұйым қызмет атқарады. Олардың барлығы исламдық бағыттағы мешіттер және барлығы Қазақстан Мұсылмандары Діни Басқармасының арнайы рұқсатымен тіркеліп, жұмыс жасауда.