Жуалы ауданы әкімдігінің 2021 жылғы 21 қаңтардағы №13 «Жуалы ауданы аумағында көшпелі сауданы жүзеге асыру үшін арнайы бөлінген орындарды белгілеу туралы» қаулысына өзгерістер енгізу туралы

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабына, «Сауда қызметін реттеу туралы» Заңының 12-бабына, Қазақстан Республикасы Ұлттық экономика министірінің міндетін атқарушының 2015 жылғы 27 наурыздағы № 264 бұйрығымен бекітілген Ішкі сауда қағидаларының 50-1-тармағына сәйкес, Жуалы ауданы әкімдігі ҚАУЛЫ ЕТЕДІ:

1. Жуалы ауданы әкімдігінің «Жуалы ауданы аумағында көшпелі сауданы жүзеге асыру үшін арнайы бөлінген орындарды белгілеу туралы» 2021 жылғы 21 қаңтардағы № 13 (Нормативтік құқықтық актілерді мемлекеттік тіркеу тізілімінде № 4892 болып тіркелген) қаулысына келесідей өзгерістер енгізілсін:

тақырыбы жаңа редакцияда жазылсын:

«Жуалы ауданының аумағында стационарлық емес сауда объектілерін орналастыру орындарын бекіту туралы»;

1 тармақ жаңа редакцияда жазылсын:

«1. Осы қаулының қосымшасына сәйкес Жуалы ауданының аумағында стационарлық емес сауда объектілерін орналастыру орындары бекітілсін.»;

көрсетілген қаулының қосымшасы осы қаулының қосымшасына сәйкес жаңа редакцияда жазылсын.

2. Осы қаулының орындалуын бақылау Жуалы аудан әкімінің жетекшілік ететін орынбасарына жүктелсін.
3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

Аудан әкімі                                                                          О. Қаржауов

Дата публикации

18 февраля 2022