Қазақстан Республикасының Жер кодексінің 16-бабының 1-тармағының 9) тармақшасына, 84-бабының 2-тармағының 3) тармақшасына және «Мемлекеттік мүлік туралы» Қазақстан Республикасы Заңының 61, 63, 64,65 және 69-баптарына сәйкес Жамбыл облысының әкімдігі ҚАУЛЫ ЕТЕДІ:
- Осы қаулының қосымшасына сәйкес жер учаскелерін мемлекет мұқтажы үшін мәжбүрлеп иеліктен шығару басталсын.
- Мәжбүрлеп иеліктен шығару күні 2026 жылдың 24 қарашасы болып белгіленсін.
- Келісім рәсімдерін жүзеге асыру үшін жер учаскесінің меншік иесінің немесе мемлекеттік емес жер пайдаланушының жүгінетін орны: Сарысу ауданы, Жаңатас қаласы, 1 шағын ауданы, №18 үй мекен жайында орналасқан «Сарысу ауданы әкімдігінің жер қатынастары бөлімі» коммуналдық мемлекеттік мекемесінің әкімшілік ғимараты болып белгіленсін.
- Сарысу ауданының әкімі заңнамада белгіленген тәртіппен осы қаулыдан туындайтын шараларды қабылдауды қамтамасыз етсін.
- Осы қаулының орындалуын бақылау Жамбыл облысы әкімінің жетекшілік ететін орынбасарына жүктелсін.