Жер учаскесін қалай ақысыз алуға болады

Жер учаскесін қалай ақысыз алуға болады?

 

 

Жер Кодексінің 50-бабына сәйкес, осы Кодекстің 48-бабының 1-тармағына сәйкес конкурстарда (аукциондарда) сатуға ұсынылған жер учаскелерінің тізіміне енгізілгендерді қоспағанда, жер учаскелері азаматтарға беріледі. Қазақстан Республикасы жеке меншікке ақысыз түрде келесі мөлшерде беріледі:

1. ауылдық жерлерде өзіндік қосалқы шаруашылығын жүргізу үшін (үй және егістік алқаптарын қоса алғанда) - суарылмайтын жерлерде 0,25 га және суармалы жерлерде 0,15 га;
2. жеке тұрғын үй құрылысы үшін - 0,10 га;
3. көгалдандыру, сондай-ақ саяжай құрылысы үшін - 0,12 га.

Осы Кодекстің 94-бабының 4-тармағында көрсетілген жағдайды қоспағанда, осы мақсаттар үшін жер учаскелерін бірнеше рет өтеусіз беруге жол берілмейді.

Өзіндік қосалқы шаруашылығын және жеке тұрғын үй құрылысын жүргізу үшін жер учаскелерін жеке меншікке өтеусіз беру жер игерілгеннен кейін жүзеге асырылады. Көрсетілген мақсаттарға жер учаскелерін игеру кезеңіне беру 92-бапқа сәйкес осындай жер учаскелерін игеру шарттары мен мерзімдерін белгілей отырып, уақытша өтеулі жер пайдалану (жалдау) құқығы негізінде жүзеге асырылады.

Қазіргі таңда, Жамбыл ауданында бірнеше ауылдардың соның ішінде (Тастөбе, Ш.Ниязбеков, Бірлесу-Еңбек, Айшабибі, Бектөбе, Қызылқайнар, Ащыбұлақ) бас жоспары бойынша бөлініп берілетін алаңдардардың дайын болуына байланысты және жер кезектілігіне сәйкес ауыл тұрғындарына уақытша өтеулі жер пайдалану құқығымен 3 жыл мерзімге жер учаскесі беріліп жатыр.

Беріліп жатқан жер учаскелеріне сәйкестендіру құжатын рәсімдеу үшін Жамбыл аудандық тіркеу және жер кадастры бөліміне өтініш беруіңіз қажет. Көрсетілетін қызмет құны ақылы түрде жүргізіледі.

               

Жамбыл аудандық тіркеу және жер кадастры

бөлімінің бас маман-жерге орналастырушысы А.Конырбаева