Жамбыл ауданы әкімінің Ақбастау ауылдық округі тұрғындарымен өткен кездесуінде тұрғындардың маңызды ұсыныстары тыңдалып, оларды жүзеге асыруға бағытталған іс-шаралар жоспары бекітілді.
Атап айтқанда, Бірлесу Еңбек ауылына Қызыл арықтан келетін судың 1 шақырым жерге лоток қою ұсынылды. Бұл іс-шара ауылдың сумен қамтамасыз етілуін жақсартып, ауыл шаруашылығының дамуына ықпал етеді.
Іс-шаралар жоспары бойынша жауапты орындаушылар анықталып, аудан әкімінің аппаратына тұрақты түрде, тоқсан сайын аралық ақпарат беру міндеті жүктелді. Жауапты орындаушылар тізімінде аудан әкімінің орынбасары Н.Несіпбеков, «Қазсушар» РМК-ның Жамбыл облыстық филиалы Аса өндірістік бөлімшесі және Ақбастау ауылдық округінің әкімі бар.
Бұл шаралар тұрғындардың ұсыныстарын ескеріп, ауыл инфрақұрылымын дамытуға бағытталған маңызды қадам болып табылады.