Жамбыл ауданы әкімі жанындағы Әйелдер істері және Отбасылық-демографиялық саясат жөніндегі комиссия туралы ЕРЕЖЕ

Жамбыл  ауданы  әкімдігінің

2022 жылғы 25 қаңтардағы

№ 43 қаулысымен бекітілген

 

 

Жамбыл ауданы әкімі жанындағы Әйелдер істері және

Отбасылық-демографиялық саясат жөніндегі комиссия туралы

ЕРЕЖЕ

 

 

Жалпы ережелер

  1. Аудан әкімі жанындағы Әйелдер істері және отбасылық-демографиялық саясат жөніндегі комиссия (бұдан әрі-комиссия) аудан әкімі жанындағы консультативтік-кеңесші орган болып табылады.
  2. Комиссия қызметінің құқықтық негізін Қазақстан Республикасының Конституциясы және Заңдары, Қазақстан Рспубликасы Президентінің кесімдері, Қазақстан Республикасының өзге де нормативтік құқықтық кесімдері, әкімнің шешімдері, сондай-ақ осы ереже құрайды.

 

Комиссияның негізгі міндеттері

  1. Комиссияның негізгі міндеттері:

1) Қазақстан Республикасы Президенті жанындағы отбасы істері және гендерлік саясат жөніндегі ұлттық комиссияның белгіленген басымдықтары мен ұсынымдарына сәйкес Қазақстан 2030 жылға дейінгі даму Стратегиясының және Қазақстан қатысушы болып табылатын отбасы және гендерлік теңдік мәселелері жөніндегі халықаралық шарттардың контексіндегі отбасы мен гендерлік теңдікке қатысты кешенді өңірлік бағдарламаларды қалыптастыру;

2) отбасы мүдделерін қорғау бойынша ауданның жергілікті атқарушы органдармен және азаматтық қоғам институттарымен өзара іс-қимыл жасау;

3) аудандағы гендерлік жағдайды зерттеу, Қазақстан Республикасындағы гендерлік саясаттың негізгі бағыттары бойынша ұсыныстар мен ұсынымдар әзірлеу;

4) әлеуметтік – экономикалық мәселелер бойынша өңірлік тұжырымдамалар мен бағдарламаларды әзірлеуге қатысу;

  • мыналарға:
  • әйелдерді басшы лауазымдарға, мәслихат депутаттығына ұсынуға, шешімдер қабылдау деңгейіне әйелдердің 30 пайыз өкілдігі болуына;
  • халыққа гендерлік білім беру мен ағартуға, гендерлік білім беру жөніндегі оқу әдістемелік әдебиет, ақпараттық бюллетеньдер, бағдарламалар, әдістемелік құралдар әзірлеуге, бұқаралық ақпарат құралдарымен өзара іс-қимыл жасауға, ата-аналарды гендерлік теңдік мәселелері бойынша ағартуға, қыздарды техникалық мамандықтарға оқуға тартуға, әлеуметтік – экономикалық бағдарламаларға гендерлік көрсеткіштер енгізуге;
  • экономикалық салалардағы гендерлік теңдікке қол жеткізуге, кәсіпкерлікті дамытуға, әйелдерді шағын және орта бизнесті дамытуға, экономикалық білім беру орталықтарын ұйымдастыруға;
  • отбасы институтын нығайтуға, отбасы қатынастарында тендерлік теңдікке қол жеткізуге;
  • отбасындағы және жұмыс орнындағы зорлықты жоюға, әйелдер мен балалар трафигіне қарсы күрес жүргізуге жәрдемдесу;

6) ерлердің, әйелдер мен балалардың денсаулығын, оның ішінде ұрпақты болуын сақтау және нығайту, өмір сүру сапасын арттыру проблемаларын зерделеу және ол бойынша ұсыныстар енгізу;

7) ауданның жергілікті атқарушы және өкілді органдармен, орталық мемлекеттік органдардың аумақтық бөлімшелерімен, заңды тұлғалармен, азаматтарымен, бұқаралық ақпарат құралдарымен және халықаралық ұйымдармен ынтымақтастық, отбасы және гендерлік теңдік мәселелері жөніндегі конференцияларға, кеңестерге, семинарларға қатысу;

8) жергілікті бюджеттен қаржыландырылатын атқарушы органдардың, орталық мемлекеттік органдардың аумақтық бөлімшелерінің, заңды тұлғалардың, азаматтардың, бұқаралық ақпарат құралдарының және халықаралық ұйымдардың комиссияның құзіретіне кіретін проблемалар жөніндегі ұсыныстарын қарау, облыс әкімінің тиісті ұсынымдарын, сондай-ақ, Қазақстан Республикасы Президентінің жанындағы отбасы істері және гендерлік саясат жөніндегі ұлттық комиссияның ұсыныстарын әзірлеу;

9) отбасы, гендерлік теңдіктің сақталмауы мәселелеріне қатысты азаматтардың өтінішін, бұқаралық ақпарат құралдарының хабарламаларын қарау.

 

Комиссияның өкілеттілігі

3.Комиссия өз құзіретінің шегінде:

1) өзінің отырысында жергілікті бюджеттен қаржыландырылатын атқарушы органдардың, орталық мемлекеттік органдардың аумақтық бөлшектерінің, заңды тұлғалардың, бұқаралық ақпарат құралдарының өкілдерін және азаматтарды тыңдауға;

2) жергілікті бюджеттен қаржыландырылатын атқарушы органдардың, орталық мемлекеттік органдардың аумақтық бөлімшелерінен қажетті құжаттар, материалдар мен ақпарат сұратуға және алуға;

3) жергілікті бюджеттен қаржыландырылатын атқарушы органдардың, орталық мемлекеттік органдардың аумақтық бөлімшелеріне отбасы және гендерлік теңдік мәселелері жөніндегі нормативтік құқықтық кесімдері бұзу фактілері бойынша тексерулер мен қызметтік тергеулер жүргізу қажеттілігі туралы ұсыныс жасауға;

4) аудан әкімі, әкімдігі отбасы істері және гендерлік саясат мүдделерін қозғайтын кесімдерінің жобалары бойынша ұсыныстар енгізуге;

5) жергілікті бюджеттен қаржыландырылатын атқарушы органдардың, орталық мемлекеттік органдар аумақтық бөлімшелерінің және заңды тұлғалардың өкілдерін комиссияның жүргізілуіне жатқызылған мәселелерді қарау үшін комиссия отырысында шақыруға құқықты.

6) Комиссия азаматтардың келіп түскен өтініштерін, бұқаралық ақпарат құралдарының хабарларын қарау қорытындылары бойынша материалдарды жергілікті бюджеттен қаржыландырылатын атқарушы органдардың, орталық мемлекеттік органдар аумақтық бөлімшелерінің қарауына мәні бойынша шешім қабылдау үшін жолдай алады.

 

Комиссияның жұмысын ұйымдастыру

  1. Комиссия өз қызметін осы үлгі ережеге сәйкес әкім бекіткен ереженің негізінде жүзге асырады.
  2. Комиссияны Жамбыл ауданы әкімі жанындағы отбасы істері және гендерлік саясат жөніндегі комиссияның төрағасымен келісім бойынша әкім тағайындаған төраға басқарады.
  3. Комиссия төрағасының орынбасары болады.
  4. Комиссия құрамына, әдетте жергілікті бюджеттен қаржыландыратын атқарушы органдардың, орталық мемлекеттік органдар аумақтық бөлімшелерінің және заңды тұлғалардың өкілдері кіреді.
  5. Комиссияның сандық және жеке құрамын комиссия төрағасының ұсынысы бойынша әкім бекітеді.
  6. Комиссияның отырыстары қажетіне қарай, бірақ, кемінде тоқсанына бір рет өткізіледі.
  7. Комиссия шешімді отырысқа қатысып отырған өз мүшелерінің санының көпшілік дауысымен қабылдайды. Дауыстар тең болған кезде төрағалық етушінің дауысы шешуші болып табылады.

Комиссия отырысы, егер оған комиссия мүшелерінің жалпы санының үштен екісі қатысса заңды болып саналады.

Комиссияның шешімдері хаттамамен рәсімделеді.

  • Комиссия төрағасы:

1) комиссияның қызметін ұйымдастырады және басшылық жасайды;

  • комиссия отырысының күн тәртібін белгілейді;
  • комиссияның отырысын шақырады және оған төрағалық етеді;
  • комиссия мүшелерінен комиссия отырысының күн тәртібіне енізілген мәселе бойынша баяндамашыны белгілейді;
  • комиссия шешімдерінің іске асырылуына жалпы бақылауды жүзеге асырады.
  1. Төраға болмаған жағдайда комиссия мәжілістерінде орынбасар төрағалық етеді.
  2. Комиссия хатшысы:

1) комиссия отырыстарының күн тәртібін дайындайды;

2) комиссия шешімдерінің орындалуын қамтамасыз етеді және оны бақылайды;

  1. Комиссия мүшелері комиссия отырысына қатысуға міндетті.

 

Комиссияның қызметін қамтамасыз ету

  1. Комиссияның қызметін ақпараттық- талдау және ұйымдастырушылық қамтамасыз етуді ауыл әкімдері аппараттары жүзеге асырады.

 

 

 

 

Дата публикации
05 июля 2022