ХАБАРЛАМА
2022 жылғы 28 тамызда Жамбыл ауданының ауылдық округтері әкімдерінің сайлауы екі сайлау округі бойынша өтті.
Жамбыл аудандық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық Заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес, Жамбыл ауданының ауылдық округтері әкімдерін сайлау нәтижелері туралы учаскелік сайлау комиссияларының хаттамалары негізінде сайлау қорытындыларын белгіледі:
Бесағаш сайлау округі
Бесағаш ауылдық округі әкімінің сайлауы бойынша:
Сайлау округі бойынша сайлаушылар тізіміне 4176 азамат енгізілді, олардың 1361 дауыс берді. Жарамсыз бюллетеньдер саны - 22, «Барлығына қарсымын» белгісі қойылған жолда - 13.
Әрбір кандидат үшін берілген дауыстар саны:
Абдумуталиев А.Б. - 732; Абенов О.Б. - 577; Тоқсаба Ж.Ж. - 17.
Бесағаш ауылдық округінің әкімі болып Абдумуталиев Алга Балабекович сайланды, 1975 жылы туған, Жамбыл ауданы Бесағаш ауылдық округі әкімінің орынбасары, Тараз қаласында тұрады, өзін-өзі ұсынған.
Өрнек сайлау округі
Өрнек ауылдық округі әкімінің сайлауы бойынша:
Сайлау округі бойынша сайлаушылар тізіміне 1491 азамат енгізілді, оның 1063 дауыс берді. Жарамсыз бюллетеньдер саны - 23, «Барлығына қарсымын» белгісі қойылған жолда - 3.
Әрбір кандидат үшін берілген дауыстар саны:
Коскелбаев Д.Е. - 286; Темешбаев К.Б. - 751.
Өрнек ауылдық округінің әкімі болып Темешбаев Канат Базарбекович сайланды, 1969 жылы туған, «Аса-су» ШЖҚ КМК директорының орынбасары, Өрнек ауылдық округінің Өрнек ауылында тұрады, «AMANAT» партиясы ұсынған.
Жамбыл аудандық сайлау комиссиясы Қазақстан Республикасының «Қазақстан Республикасындағы сайлау туралы» Конституциялық Заңының 45-бабына сәйкес 2022 жылғы 31 тамыздағы шешімімен 2022 жылғы 28 тамызда сайланған Жамбыл ауданының ауылдық округтерінің әкімдерін тіркеді.
Жамбыл аудандық сайлау комиссиясы