Мемлекеттік қызметтер көрсету саласында
жария талқылаулар өткізу туралы анонс
«Мемлекеттік көрсетілетін қызметтер туралы» Қазақстан Республикасы Заңының 23-бабының 6) тармағына сәйкес жыл сайын көрсетілетін қызметті берушілердің, мүдделі жеке және заңды тұлғалардың қатысуымен мемлекеттік қызметтер көрсету мәселелері бойынша қызмет есептерінің жария талқылаулары өткізіледі. Жария талқылаулар көрсетілетін қызметті берушілер қызметінің есептілігі мен ашықтығы, мемлекеттік қызметтердің сапасы мен қолжетімділігі, мемлекеттік қызметтер көрсету процесін тұрақты жетілдіру, оларды көрсетудің үнемділігі мен тиімділігі қағидаттарын іске асыруды қамтамасыз етуге арналған.
Ағымдағы жылдың 1 маусымынан 30 маусымына дейін Жамбыл облысы әкімдігінің жолаушылар көлігі және автомобиль жолдары басқармасының (бұдан әрі – Басқарма) ресми сайтында «Қызметі», «Мемлекеттік көрсетілетін қызметтер» деген бөлігінде 2023 жылғы мемлекеттік қызметтер көрсету саласындағы қызметтің нәтижелері туралы есептер орналастырылатын болады.
Аймақ тұрғындарына Басқарманың сайтының басты бетіндегі «Сұрақ-жауап» терезесінде ұсыныстар мен ескертулер қалдыруға мүмкіндік беріледі.
Өңірдің тұрғындарын қоғамдық талқылауларға белсенді қатысуға шақырамыз.