Тараз қалалық сайлау комиссиясының ағымдағы жылға арналған жоспарына сәйкес, 2021 жылдың 6 мамыр күні А.Асқарбековтың төрағалығымен қала аумағындағы сайлау учаскелерінің шекараларына мониторинг жүргізу бойынша комиссия отырысы ұйымдастырылды.
Комиссия отырысына Тараз қаласы әкімдігінің мәдениет және тілдерді дамыту бөлімінің бас маманы А.Құдайбергенова, Тараз қаласы әкімдігінің сәулет және қала құрылысы бөлімінің бас маманы Б.Ембаев және №1,2,3,4 және 5 учаскелік сайлау комиссияларынан өкілдер қатысты.
Комиссия отырысында Тараз қаласы әкімінің 2020 жылғы 2 қыркүйектегі № 10 шешімімен бекітілген сайлау учаскелерiнің шекараларына зерделеу жүргізілді.
Сонымен қатар, Тараз қаласы әкімдігінің мәдение және тілдерді дамыту бөлімі тарапынан ұсынылған Тараз қаласының көшелер тізімі сайлау учаскелерiне кіретін көшелер тізімімен салыстырылды.
Нәтижесі бойынша нақты ұсыныстар Тараз қаласы әкімідігіне және құзіретті органдарға жолданатын болады.