2022 жылғы 20 қарашаға тағайындалған Қазақстан Республикасы Президентінің кезектен тыс сайлауы Тараз қаласында Қазақстан Республикасының Заңнама талаптары мен Қазақстан Республикасының Орталық сайлау комиссиясы бекіткен Күнтізбелік жоспарға сәйкес әзірленіп, өткізілді.
Тараз қаласыда 125 сайлау учаскесі бойынша 255430 сайлаушы тіркелген болатын.
Сайлау кезінде сайлау комиссияларының 1172 мүшелері қызмет атқарды. Олар жоспарға сәйкес «Республикалық сайлау: құқықтық негіздері мен сайлау комиссияларының жұмысын ұйымдастыру» бағдарламасы бойынша қашықтықтан тестілеуден өтті.
Сайлауды ұйымдастыру және өткізу барысында жоғары белсенділік танытқан 10 азамат ҚР Орталық сайлау комиссиясының, 120 азамат Жамбыл облыстық сайлау комиссиясының, 20 азамат Тараз қаласы әкімінің алғыс хаттарымен марапатталды.
5 комиссия мүшесіне емдеу санаторийлеріне жолдама берілді.
Сонымен қатар 3 комиссия мүшесіне «Жамбыл-Тараз» газетіне 1 жылдық жазылымының сертификаттары тапсырылды.