КҮН ТӘРТІБІ:
Тараз қаласының бірқатар құрамдас бөліктеріне атау беру және қайта атау туралы.
Баяндама жасау үшін сөз Тараз қаласы әкімдігінің мәдениет және тілдерді дамыту бөлімінің басшысы ТоқсанбаеваБақыт Тілегенқызына берілді.
Баяндаушы- Б.Тоқсанбаева:
Атау беру, қайта атау мәселесі Қазақстан Республикасы Президенті Әкімшілігімен келісілген «Тарихи тұлғалар», «Тарихи жер-су атаулары» және «Дәстүрлі атаулар» тізіміне сәйкес жүргізіледі.
Тараз қаласының бірқатар құрамдас бөліктеріне атау беру және қайта атау туралы ұсыныстарды Қазақстан Республикасы Үкіметінің 2014 жылғы 24 ақпандағы №138 қаулысымен бекітілген «Әкімшілік-аумақтық бірліктерге, елді мекендердің құрамдас бөліктеріне атау беру, оларды қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеру қағида» талаптарына сәйкес тұрақты комиссияның қарауына ұсынып отырмыз.