Тараз қаласының мәдениетін көтеру және тәрбиелеу ісіндегі өзіне қарасты мекемелердің жұмысын ұйымдастырады және қызметін үйлестіреді.

Қалалық мәдениет бөлімі Генарал Рахимов көшесі №55 мекен жайдағы Ы.Дұкенұлы атындағы қалалық мәдениет үйінің ғимаратында орналасқан.

Бөлімге қарасты бүгінгі таңда 9 мәдени ошақ бар. Олар: орталықтандырылған көпшілік кітапханалар жүйесінің 8 кітапхана филиалы және Ы.Дүкенұлы атындағы қалалық мәдениет үйі.

Бөлімге қарасты барлық кітапханалар ыңғайластырылған ғимараттарда, яғни, Абай атындағы орталық кітапханасы- Самал (7) мөлтек ауданы, М.Әуезов атындағы кітапханасы- Абай даңғылы №127 үй, Ғ.Мұратбаев атындағы кітапханасы-Жайлау (3) мөлтек №5 үй 35-36 пәтер, М.Шолохов атындағы кітапханасы- «Тараз-Ғасыр» колледжінің, №4 кітапханасы «Ана мен баланы аялау» орталығының, №5 кітапханасы «Тараз-Болашақ» колледжінің, №6 кітапханасы- Қалалық мәдениет үйінің, №7 кітапханасы- Құмшағал шағын ауданы әкімдігінің ғимараттарында орналасқан.