Осыған байланысты облыс әкімінің тапсырмасына сәйкес, облыстық ақпараттық топ мүшелері Аққұм, Бостандық, Ойық және Қызыләуіт ауылдық округтерінде болып, ауыл тұрғындарына өзгеріске енген заңнамаларды таныстырды.
Аудандық аумақтық сайлау комиссиясының төрағасы С.Дадабаев тұрғындарға жиынның мәні мен мағынасын түсіндіре келе, сайлау өткізуде ең алғаш санитарлық талапты сақтау маңызды екенін айтты.
- Төрт ауылдық округінде сайлау комиссиясы құрылған. Аталған комиссия мүшелері науқан уақытында жұмыс жүргізеді. Бірақ, комиссия мүшелері кандидатпен туыс болған жағдайда сайлау заңнамасына сәйкес аустырылады, - деді Серік Ералыұлы.
Келесі кезекте Мемлекеттік қызмет істер агенттігінің Жамбыл облысы бойынша Мемлекеттік қызмет басқармасының бас маманы С.Толепбергенов кандидатқа қойылатын талаптарға тоқталды.
-Кандидат жоғары оқу орнын аяқтаған, мемлекеттік қызметте, оның ішінде басшылық қызметте еңбек өтілі екі жылдан кем емес болуы шарт, - дей келіп, мемлекеттік қызметте санаттары бар азаматтардың кандидат ретінде ұсынылатындығын жеткізді.
Ал, Жамбыл облыстық сайлау комиссиясының мүшесі С.Қойшыбаев өзгеріске енген Конституцияның 139,140 тармақтарын таныстырып, сайлау өткізуде қойылатын талаптар мен заңдылықтарын баяндады.
Сонымен қатар, облыс әкімі аппаратының өңірлік бақылау және ұйымдастыру - инспекторлық бөлімінің бас инспекторы А.Мұстафа, облыс әкімдігі ішкі саясат басқармасының бас маманы Д.Тұрмаханбетов және Талас ауданы әкімі аппараты ұйымдастыруинспекторлық бөлімшесінің басшысы Ғ.Тоқмырзаев кандидаттың функционалдық міндеттері жөнінде түсінік берді.
Жиында тұрғындар тарапынан түскен сұрақтарға жауап беріліп, ұсыныстар қабылданды.