Талас аудандық мәслихаты депутаттарын сайлау жөніндегі бірмандаттық аумақтық сайлау округтері бойынша округтік сайлау комиссияларын құру туралы

«Қазақстан Республикасындағы сайлау туралы» Конституциялық заңының 10-бабының 3-тармағына және  Талас аудандық сайлау комиссиясының 2022 жылғы 29 желтоқсандағы №02 «Талас аудандық мәслихаты депутаттарын сайлау бойынша аумақтық сайлау округтерін құру туралы» қаулысына сәйкес ҚАУЛЫ ЕТЕДІ:

1. Талас аудандық мәслихатының депутаттарын сайлау бойынша тиісті бірмандаттық аумақтық сайлау округтерінде 13 (он үш) округтік сайлау комиссиялары құрылсын.
2. Талас аудандық мәслихаты депутаттарын сайлау жөніндегі бірмандаттық аумақтық сайлау округтерінің округтік сайлау комиссияларының құрамын қалыптастыру үшін қаулы Талас аудандық мәслихатына жіберілсін.
3. Осы қаулы Талас аудандық сайлау комиссиясының интернет-ресурсында және «Талас тынысы» аудандық газетіне орналастырылсын.
4. Осы қаулы 2023 жылғы 1 қаңтардан бастап қолданысқа енгізіледі.

Төраға                                                                            С.Дадабаев

Хатшы                                                                            А.Таңат