Қаратау қаласының жылдық жоспарына сай  2024 жылға қала бойынша 10 қатты темірден жасалған қоқыс тастайтын алаңша және қоқыс тастайтын 40 дана контейнер қойылуы жоспарланған.  1 қатты темірден жасалған қоқыс тастайтын алаңша мен 4 контейнердің жобалық сметалық құжаты дайындалуда.

Қала бойынша 47 балалар ойын алаңшасына темір құрылғылары қайта жаңғыртылады. 3 мөлтек ауданы 75 үй, Ә.Ақшораева №1 үй мен Ә.Ақшораева №1А үйлерінің ортасына балалар ойын алаңшасы, футбол алаңы және street workout салыну жұмыстары басталуда.

А.Иманов, Ш.Уәлиханов және Д.Нұрпейісова көшелеріне балалар ойын алаңшасы    мен street workout салу жоспарға қойылған.

Б.Момышұлы көшесінің кіре берісіндегі “Рухани жаңғыру” аллеясын қайта абаттандырудан өткізіліп яғни, шағын футбол алаңшасы мен street workout салудың жобалық сметалық құжаттары жасалып, мемлекеттік сатып алу порталына конкурсқа ұсынылды.

2024 жылға қала бойынша 13 көше орта жөндеуден өткізіледі деп жоспарланған. А.Иманов көшесіне жол белгілерін, жол бұдырларын (лежащий полицейский) және жаяу жүргіншілер жолын орнату жоспарда бар.

Қала бойынша қаптаған ит мысықтарды күтіп ұстауға арналған орын салу жұмыстары бойынша мердігер анықталып, жұмыс күн жылысымен басталуға тиіс.

Көше жарығы бойынша А.Сухамбаев, Б.Майлин,Ш,Құдайбердиев, К.Әзірбаев көшелеріне көше жарықтарын орнату үшін мемлекеттік сатып алу порталына ағымдағы жылдың наурыз айында конкурсқа беріледі.