🔰Жаңа техникалар игілікке жарауда
Естеріңізде болса, облыс әкімінің қолдауымен ағымдағы жылы басқармаға қарасты орман шаруашылығы және "Жамбыл су қоймалары" мекемелеріне бірқатар техникалар үлестірілген болатын.
Бүгінде мекемелер осы техникалардың көмегімен жоспарлы жұмыстарды жүргізуге одан әрі серпін алғандай.
Солардың қатарында "Жамбыл су қоймалары" мекемесі де су қоймалардың құрылысына қажетті жүк салғыш және жүк тасығыш көлік құралдарының рақатын көруде.
Олай деуімізге де негіз бар. Бүгінде мекеме теңгеріміндегі "Қазақбай" су қоймасының дамбасын нығайту жұмыстарын бастаған. Мекеме басшылығы да техникалардың көпке қолдау болғанын жасырмайды. Алдағы уақытта осы техникалар күшімен жоспарлы жұмыстардың тиімді орындалатынына бізде сенім білдірдік.