Жамбыл облысы аумағындағы су объектілерінде жаппай демалу, туризм және спорт үшін орындар белгілеу туралы

Жамбыл облысы аумағындағы су объектілерінде жаппай демалу, туризм және спорт үшін орындар белгілеу туралы

Қазақстан Республикасының 2025 жылғы 9 сәуірдегі Су кодексіне, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына және «Су айдындарындағы қауіпсіздік қағидаларын бекіту туралы» Қазақстан Республикасы Ішкі істер министрінің 2015 жылғы 19 қаңтардағы
№ 34 бұйрығына (Нормативтік құқықтық актілерді мемлекеттік тіркеу тізілімінде № 10335 болып тіркелген) сәйкес, Жамбыл облысының әкімдігі ҚАУЛЫ ЕТЕДІ:

  1. Қосымшаға сәйкес Жамбыл облысы аумағындағы су объектілерінде жаппай демалу, туризм және спорт үшін орындар белгіленсін.
  2. Мыналардың күші жойылды деп танылсын:

1) «Жамбыл облысының су объектілері мен су шаруашылығы құрылыстарындағы көпшіліктің демалуына, туризм мен спортқа арналған жерлерді белгілеу туралы» Жамбыл облысының әкімдігінің 2019 жылғы
7 тамыздағы № 168 қаулысы (Нормативтік құқықтық актілерді мемлекеттік тіркеу тізілімінде № 4314 болып тіркелген);

2) «Жамбыл облысының су объектілері мен су шаруашылығы құрылыстарындағы көпшіліктің демалуына, туризм мен спортқа арналған жерлерді белгілеу туралы» Жамбыл облысы әкімдігінің 2019 жылғы
7 тамыздағы № 168 қаулысына өзгеріс енгізу туралы» Жамбыл облысы әкімдігінің 2024 жылғы 31 мамырдағы № 139 қаулысы (Нормативтік құқықтық актілерді мемлекеттік тіркеу тізілімінде № 5212-08 болып тіркелген).

  1. Жамбыл облысы әкімдігінің табиғи ресурстар және табиғат пайдалануды реттеу басқармасы заңнамада белгіленген тәртіппен:

1) осы қаулының Қазақстан Республикасы Әділет министрлігінде мемлекеттік тіркелуін қамтамасыз етсін;

2) осы қаулы ресми жарияланғаннан кейін оны Жамбыл облысы әкімдігінің ресми интернет-ресурсында орналастыруды қамтамасыз етсін.

  1. Осы қаулының орындалуын бақылау Жамбыл облысы әкімінің жетекшілік ететін орынбасарына жүктелсін.
  2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізілсін.

 

 

Жамбыл облысының әкімі                                                   Е. Қарашөкеев

қаулы демалу, туризм және спорт каз
Дата публикации
15 августа 2025