Шу қаласы әкімінің
сайлауына қатысатын үміткерлерге сайлауда
үгіт-насихат жұмыстарын жүргізу үшін «Шу өңірі»-
«Шуская долина» газеттерінің бетінде баспасөзден орын беру төлемінің мөлшері,
шарттары мен тәртібі
ҚР «Қазақстан Республикасын-дағы Сайлау туралы» Конституциялық Заңының 28-бабының 1,2,3-тармағына сәйкес «Шу өңірі»- «Шуская долина» газеттерінің редакциясы сайлауалды үгіт-насихат материалдарын 0,1 баспа табақтан аспайтын көлемде жариялайды.
Үгіт материалдарын үміткердің өзі дайындайды.
Үгіт материалын газетке ұсыну үшін тіркелген кандидат немесе оның сенімді өкілінен сұралатын қажетті құжат:
Онда кандидаттың жеке куәлігі және кандидат куәлігі, сенімді өкілдің жеке куәлігі және сенімді өкілдігін растайтын куәлігі қоса болуы қажет.
ҮГІТ МАТЕРИАЛЫН
ЖАРИЯЛАУДЫҢ ТӘРТІБІ
Редакция тіркелген кандидаттардың үгіт-материалдарын жариялау үшін баспасөз бетінен орын береді. Кандидаттардың газетке шығуының кезектілігі жазбаша өтініштердің келіп түсу ретімен, егер өтініштер бір мезгілде келіп түссе, материалдың жариялану реті жеребе бойынша белгіленеді. Жазбаша өтініш редакцияға келіп түскеннен кейін үгіт материалына басылым бетінде лайықты орын берілгені үшін «Шу өңірі»-«Шуская долина» газеттері және кандидат мақаланың жариялану ақысы жайында екі жақты келісімшарт жасасады.
Үгіт материалы газет бетінде мақаланың толық төлемі редакцияның есепшотына жүз пайыз көлемінде түскеннен кейін барып бір-ақ жарияланады.
ҮГІТ МАТЕРИАЛДАРЫН
ҰСЫНУДЫҢ ТӘРТІБІ
Кандидат үгіт материалының мәтінін «Шу өңірі»-«Шуская долина» газеттерінің кезекті саны жарыққа шықпай тұрып, үш күн қалған мерзімге дейін ұсынуы тиіс. Материалдың мәтіні қағазға басып шығарылып, оған кандидат немесе оның сенімді өкілі қол қоюы қажет. Сонымен қатар электронды нұсқасы қоса болуы керек (дискета, диск, электронды пошта). Берілген күні және тіркеу нөмірі көрсетілген материалдың жазбаша нұсқасы редакцияға екі данамен тапсырылып, оған редакция тарапынан қабылданған күні, уақыты, қабылдаған қызметкердің аты-жөні, қызметі жазылып, қол қойылады. Мәтіннің біреуі редакцияда қалып, екіншісін тапсырыс берушінің өзі алып кетуі тиіс. ҚР «Қазақстан Республикасындағы Сайлау туралы» Конституциялық Заңының талаптарына сай келмейтін үгіт мақалалары жарияланбайды.
ҮГІТ МАТЕРИАЛДАРЫН ЖАРИЯЛАУДЫҢ ТӨЛЕМ ТӘРТІБІ
Кандидат немесе оның сенімді өкілі үгіт материалының жариялану құнын жүз пайыз төлейді. Төлемақы редакцияның алдын ала келісімшартта қарастырылғандай арнайы реквизиті көрсетілген есепшотына аударылуы керек.
Баспасөзде ақпараттық үгіт материалдарын орналастыру құны (қосымша құн салығын қоспағанда) 1 шаршы сантиметрге – 150 теңге (ішкі беттер), 200 теңге (соңғы бет).