Меню
Ауданда шаруашылыққа пайдаланатын жердің жалпы аумағы 654,2 мың га (2001); оның ішінде жыртылған жердің аумағы 94,7 мың га, жайылымы 507,5 мың га, шабындығы 7,9 мың га. Ауыл шаруашылық кәсіпорындарының саны 2701, оның ішінде өндірістік кооперативтер – 2, ауыл шаруашылығы кооперативі-9 , фермерлік (шаруа) қожалықтар – 2654, ЖШС-тер – 31
2021 жылы 124 655 гектарға ауыл шаруашылығы дақылдары орналастырылу жоспарлануда. 2021 жылдың өніміне 18 500 гектар күздік бидай, және 100 гектар күздік рапс егілді. 25 800 гектар жаздық арпа, 1900 гектар дәндік жүгері, 9050 гектарға майлы дақылдар, 900 гектар қант қызылшасы, 1500 гектар картоп, 14 500 гектар көкөніс, 10 000 гектар бақша дақылдары жоспарға сәйкес орналастырылады. Аудан 2021 ж. 1554,0 т тірі салмақтағы ет, 2 515,3 мың т сүт, 686,8 мың дана жұмыртқа, 34,396 мың т картоп және 360,215 мың т көкөніс алды. Ауданда 62,7 мың ірі қара, 386,8 мың бас қой мен ешкі, 16,5 мың жылқы және 72 түйе болды (2021 ж).
ҚР Жер кодексінің 48-бабының 1-тармағында қарастырылған жағдайларды қоспағанда, мемлекет меншігіндегі бар және де жер пайдалануына ұсынылмаған жер телімдерінің немесе жер телімдеріне жалдау құқығының ұсынылуы сауда-саттықтарда (конкурстарда, аукциондарда) жүзеге асырылады.
Сауда-саттық Қазақстан Республикасы Ауыл шаруашылығы министрінің 2018 жылғы 20 желтоқсандағы № 518 бұйрығымен бекітілген Ауыл шаруашылығы өндірісін жүргізу үшін уақытша өтеулі жер пайдалану (жалдау) құқығын беру бойынша конкурсты ұйымдастыру және өткізу қағидаларына сәйкес жүзеге асырылады.
Конкурс өткізу туралы хабарламаны жариялау тиісті әкімшілік-аумақтық бірліктің аумағында таратылатын мерзімді баспа басылымдарында, аудандардың жергілікті атқарушы органдарының интернет-ресурстарында, арнайы ақпараттық стендтерде, сондай-ақ Қазақстан Республикасы Ауыл шаруашылығы министрлігінің Жер ресурстарын басқару жөніндегі орталық уәкілетті органының сайтында жүзеге асырылады.
Конкурсқа қатысу үшін мынадай құжаттар беріледі:
1) конкурсқа қатысуға арналған өтінім;
2) конкурстық ұсыныс.
Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурс жер коммисиясымен Қазақстан Республикасы Жер кодексінің 43-бабының 2-тармағына сәйкес өткізеді.
Конкурстың жеңімпазы бизнес-жоспарға сәйкес конкурстық ұсыныста көрсетілген инвестицияның болжамды көлемі бойынша баллдарды беру арқылы, бағаланады.
Жоғарыда айтылғандарға байланысты, облыстың аудандары мен қалаларының жергілікті атқарушы органдары ауыл шаруашылығы мақсатындағы жер учаскелерін беруге конкурс жариялағаннан кейін әр жеке немесе заңды тұлға оған қатысуға құқылы.