8 наурыз Халықаралық әйелдер күнінде мерекелік сазды бағдарлама ұйымдастырылып, ақ жаулықты аналарымызға құрмет көрсетілді. Ауыл әкімі Б.Ошанов, ауыл ақсақалдар алқасының төрағасы Б.Устемиров, ардагер ұстаз А.Токтыбеков, алқаби кеңесінің төрағасы Б.Абдраимов құттықтау сөз сөйледі.
Далақайнар ауылында "Алтын алқа" иегерлеріне құрмет көрсетілді. Ауы әкімі Б.Ошанов алтын алқалы аналарды мерекемен құттықтады. "Алтын алқа" иегерлері жас келіндерге өмірлік тәжірибесімен бөлісіп, ақыл кеңестерін айтып, аналық батасын берді. Ауылдың қыз-келіншектері сұрақ қойып, іс-шара еркін форматта өткізілді. Мерекелік сазды бағдарламамен ұласты.
⚜️Бүгін ауыл әкімі Ошанов Болат Жақсылықұлы ауыл тұрғындарымен кездесу жиынын өткізді.
⚜️Кездесу барысында ауылдың бірқатар өзекті мәселелері жан-жақты талқыланды. Атап айтқанда:
– ірі қара малды бадаға шығару;
– Көктемгі мезгілде ауыл тазалығына ат салысу, аула маңындағы қоқыстарды шығару туралы;
– Төрт түлік малды адам қарауынсыз ауыл ішіне, темір жол маңына, тас жол бойына жібермеу туралы;
1 наурыз Алғыс айту күніне орай, Далақайнар ауылы әкімі аппаратының ұйымдастыруымен "Алғысым шексіз еліме" атты тақырыбында ауыл тұрғындарына алғыс білдірілді.
13 ақпан күні Далақайнар ауылдық кітапханасында “Мәңгі ұмытылмас ерлік” атты кездесу кеші Ауған соғысының ардагері Жұрқабаев Кенен Жұмажанұлы ағамыз және кітапхана оқырмандарының қатысуымен кездесу кеші өткізілді.
Іс –шара барысында кітапханашы оқырмандарға Ауған соғысы жайында мағлұматтар айта отырып, Ауған соғысының ардагерлеріне құрмет көрсету біздің міндетіміз деді. Кеш барысында Ауғанстан жерінде қаза болған жауынгерлердің рухтарына бас иіп бір минут үнсіздік жарияланды. Шара барысында Ауған соғысына қатысып,қасіретті соғыстың қиыншылығын көрген Кенен ағамыз сол ауыр күндерден естелік айтып берді. Кеш соңында Далақайнар ауылы әкімі аппараты ұжымының демеушілігімен интернационалист- жауынгерлерге естелік сыйлық тапсырылды.
Аудан әкімі Бақытжан Оразалыұлы және аудандық мәслихат төрағасы Жасұлан Әлкенұлы Жаңа Конституция жобасы аясында Далақайнар ауылының тұрғындарымен кездесті.
Жиын барысында Жаңа Конституцияның басты басымдықтары мен енгізілетін өзгерістер кеңінен түсіндірілді. Тұрғындар ауылдың әлеуметтік жағдайы, инфрақұрылым және өзге де маңызды мәселелер бойынша ой-пікірлерін ортаға салды.
Кездесу еркін форматта өтіп, көтерілген ұсыныстар мен мәселелер назарға алынды.