Бағдарламаны іске асыру кезеңдері: 📍Қазан 2023 жыл БЖЗҚ ҚР Ұлттық қорының инвестициялық кірісі бойынша ақпаратты алды 📍2024 жылғы 15 қаңтар БЖЗҚ 2023 жылғы 31 желтоқсандағы жағдай бойынша “Жеке тұлғалар” мемлекеттік дерекқорынан алынған мәліметтер негізінде нысаналы талаптарға қатысушылардың электрондық тізімін қалыптастырады 📍2024 жылғы 1 ақпанға дейін БЖЗҚ 2023 есепті жыл бойынша әрбір балаға есептеуге қойылатын нысаналы талаптардың сомасын есептейді және оны ақпараттық жүйеге енгізеді 📍2024 жылғы 1 ақпаннан бастап БЖЗҚ 2024 жылы 18 жасқа толған және толатын нысаналы жинақтарды алушыларға нысаналы жинақтау шоттарын ашады. Жоғарыда көрсетілген сомалар электрондық үкімет пен БЖЗҚ интернет-ресурстарында қарау үшін қолжетімді болады
Балаңыздың деректерін өзіңіз тексеріп, енгізіңіз
Әлеуметтік желілер мен мессенджерлерде өз қызметтерін ақылы түрде ұсынатын делдалдар көбейіп барады. Олар балалардың деректерін енгізуді немесе мемлекеттік дерекқорда балалардың бар-жоғын тексеруді ұсынады. БЖЗҚ делдалдық қызметтер туралы таратылатын хабарландыруларды елемеуге қатаң кеңес береді. Біріншіден, делдалдарға жеке деректеріңізді беру арқылы сіз бейтаныс адамдарға өзіңіздің және балаларыңыздың жеке деректерін сеніп тапсырасыз, ал делдалдар оны теріс мақсатта пайдалануы мүмкін. Екіншіден, сіз балаларыңыздың деректерін толығымен тегін өзіңіз тексере аласыз.
Баланың деректерінің (аты-жөні, ЖСН, туған күні) бар-жоғын, ақпараттың дұрыстығын және балалар туралы мәліметтердің бар-жоғын тексеру үшін egov.kz веб-порталындағы жеке кабинетіңізге кіру жеткілікті. Егер сіздің жеке кабинетіңізде балалар туралы ақпарат болмаса, оларды өз бетіңізше енгізіңіз.