Идеологиялық жұмыстар және ұйымдастыру бөлімі

Идеологиялық жұмыстар және ұйымдастыру бөлімі ел бірлігін қамтамасыз ету және қоғамды топтастыру, қоғамдық-саяси салалардағы мемлекеттік саясаттың негізгі басымдықтарын іске асыру бағытында жұмыс жасайды.

Оның ішінде, Мемлекет басшысының жыл сайынғы Жолдауын халық арасында түсіндіру бойынша ақпараттық-насихаттық топтардың  құрамын жасақтап, олардың елдімекендерге шығу кестесін әзірлейді және елдімекендерге шығуын бақылайды. Ақпараттық-насихаттық топтарды ақпараттық-әдістемелік қамтамасыз етеді. Мемлекеттік салалық бағдарламалар мен басқа да стратегиялық құхаттардың негізгі басымдықтарын түсіндіру мен насихаттауды үйлестіреді.

Облыста мемлекеттік және кәсіби мерекелер, мерейтойлар мен атаулы күндер бойынша іс-шаралардың тиісті деңгейде ұйымдастырылуын қадағалайды, мерекелік шараларды ұйымдастыру бойынша іс-шаралар жоспарын әзірлеп, тиісті тармақтардың орындалуын  бақылайды. Ірі қоғамдық-маңызды іс-шараларды ақпараттық-талдамалық және ұйымдастырушылық тұрғыда сүйемелдейді.

Облыста мемлекеттік рәміздердің қолданылуы мен насихатталуына мониторинг жүргізеді, облыс әкімдігі жанындағы мемлекеттік рәміздер жөніндегі комиссия жұмысын үйлестіреді. Жылына 2 рет комиссия отырысын ұйымдастырады. Жоспар бойынша мекемелерге тиісті консультациялық жұмыстар жүргізеді.

Облыста мерейтойлар мен мерекелер, мемлекеттік бағдарламалар бойынша сыртқы көрнекі-ақпарат құралдарының эскиздерін әзірлеп, қала, аудандарға жолдайды. Олардың жағдайына зерделеу жұмыстарын жүргізеді.

«Мерейлі отбасы» ұлттық байқауының аудандық/қалалық кезеңінің өтуін бақылайды және жұмысшы органы ретінде байқаудың облыстық кезеңін өткізеді.