Сарысу ауданы Тоғызкент ауылдық округі әкімдігіне кандидаттарды ұсыну қорытындылары туралы
2021 жылдың 15 қарашасы күні Сарысу аудандық сайлау комиссиясының отырысы өтіп, онда Сарысу ауданы Тоғызкент ауылдық округі әкімдігіне кандидаттарды ұсыну қорытындылары қаралды.
Тоғызкент ауылдық округі әкімдігіне кандидаттарды ұсыну барысы туралы Сарысу аудандық сайлау комиссиясының төрағасы Д.Шортанбаев баяндама жасады.
Тоғызкент ауылдық округі әкімдігіне 2021 жылдың 31 қазаны мен 13 қарашасы аралығында 4 кандидат ұсынылғандығын хабарлады. Оның 1-ін саяси партия ұсынды. Өзін –өзі ұсыну жолымен - 3. 4 кандидаттың 3-і ер азаматтар, 1-і әйел азаматша.
Кандидаттардың орташа жасы-35 жасты құрады. Үміткерлердің ең жасы -28 жаста, жасы үлкені 44 жаста.
Мамандықтары бойынша: 1 инженер-технолог, 1 қаржы, 1 педагог-психолог, 1 инженер-механик.
Ұсынылған кандидаттың 3-і бюджеттік мекеме қызметкерлері; 1-уі жұмыссыз.
Тоғызкент ауылдық округі әкімдігіне құжатын ұсынған 1 кандидаттың құжаттары Қазақстан Республикасының мемлекеттік қызмет саласындағы заңнамасының көзделген талаптарына сәйкес келмеді.