Ауыл әкімдігіне кандидаттар ұсыну қорытындылары туралы
2021 жылғы 9 шілдеде сағат 18.00-де ұсыну кезеңі аяқталды. Аудан бойынша барлығы 2 сайлау округінде 6 кандидат, оның ішінде 4 (67%) - саяси партиялармен, 2 (33%) - өзін-өзі ұсыну тәртібімен ұсынылды.
Саяси партиялар 2 сайлау округі бойынша кандидатураларын ұсынды: "Nur Otan" партиясы – 2 кандидат, "Ауыл" ХДПП – 1 кандидат.
Орташа бәсекелестік 3 адамды құрады.
Қазіргі уақытта ұсынылған кандидаттардың заңнама талаптарына сәйкестігін белгілеу және оларды тіркеу бойынша іс-шаралар жүргізілуде, тіркеу 2021 жылғы 14 шілдеде сағат 18.00-де аяқталады.
Ағымдағы жылғы 9 шілдедегі жағдай бойынша барлық округтерде кемінде екі адам ұсынылды.
Кандидаттар шығып қалған және балама болмаған жағдайда (сайлау округінде екіден кем кандидат), заңнамаға сәйкес ұсыну кезеңі бес күннен аспайтын мерзімге ұзартылатын болады.
Ағымдағы жылғы 10 шілдедегі жағдай бойынша 6 кандидат тіркелді (100%).
"Қазақстан Республикасындағы сайлау туралы" Қазақстан Республикасы Конституциялық заңының 113-5-бабының 9-тармағына сәйкес кандидаттарды тіркеу қорытындылары туралы ресми ақпарат БАҚ-та жарияланатын болады.