Жас сайлаушылар клубы мүшелерімен кездесу өтті
Сарысу аудандық аумақтық сайлау комиссиясы жанынан құрылған жас сайлаушылар клубының мүшелерімен Қазақстан Республикасы Құрылтай депутаттарының сайлауына дауыс беруге құқығы бар азаматтарға шақыру қағаздарын табыстау мәселелері бойынша кездесу өтті.
Кездесуде жастардың сайлау процесіне қатысты мәселелерге қызығушылығын арттыру, олардың электоралдық белсенділігін, құқықтық мәдениетін дамыту жөнінде айтылды.
Күнтізбелік жоспарға сәйкес учаскелік сайлау комиссиялары мен жас сайлаушылар клубының мүшелері бірлесе отырып, Қазақстан Республикасы Құрылтай депутаттарының сайлауына дауыс беруге құқығы бар азаматтарға сайлау учаскелерінің орналасқан мекенжайы, дауыс беру уақыты мен орны туралы ақпараттары бар шақыру қағаздарын табыстаудың маңыздылығы атап өтілді. Аталған іс-шараның мақсаты сайлаушыларға тиісті мерзімінде толық ақпарат беру.
Кездесу соңында клуб мүшелері шақыру қағаздарын сайлаушыларға белгіленген мерзімде табыстауға өз үлестерін қосуға дайын екендіктерін білдірді.