Жаңаталап ауылдық округі әкіміне тіркелген кандидаттардың қатысуымен комиссия отырысы өтті
2024 жылғы 26 тамызда Сарысу аудандық сайлау комиссиясының отырысы болып өтті. Комиссия отырысына 2024 жылғы 15 қыркүйекке тағайындалған Жаңаталап ауылдық округі әкіміне тіркелген кандидаттар мен комиссия мүшелері қатысты.
Комиссия отырысын аудандық сайлау комиссиясының төрағасы Д. Шортанбаев ашып, күн тәртібіндегі қаралатын мәселелер бойынша айтып өтті.
Күн тәртібіндегі бірінші мәселе бойынша төраға орынбасары Л. Ерсейтова Жаңаталап ауылдық округ әкімінің сайлауын әзірлеу мен өткізу жөніндегі негізгі іс-шаралардың күнтізбелік жоспарына сәйкес, тіркелген кандидаттарға «Қазақстан Республикасындағы сайлау туралы» Қазақстан Республикасының Конституциялық заңының (ары-қарай – Конституциялық заң) 27-32 баптарында айқындалған сайлау алдындағы үгітке байланысты заң талаптарына жан-жақты тоқталып, Конституциялық заңның 113-5-бабының 11-тармағында белгіленген заң талаптарына түсіндірме жүргізіп және аталған заңның 50-бабында айқындалған Қазақстан Республикасының сайлау туралы заңдарын бұзғаны үшін қылмыстық және әкімшілік және өзге жауаптылық көзделгені жөнінде айтып өтті.
Конституциялық заңның 33-бабының 1-1 және 2-1 тармақтарында белгіленген шығыстар бойынша «Сайлауды мемлекеттік қаржыландыру» тақырыбына комиссия мүшесі А. Дәуренбекқызы тіркелген кандидаттарға түсіндіру жұмыстарын жүргізді.
Комиссия мүшелері «Қазақстан Республикасындағы сайлау туралы» Қазақстан Республикасының Конституциялық заңының талаптарына сәйкес түсіндірме жұмыстарын жүргізіп, кандидаттардың қойылған сұрақтарына жан -жақты жауап берді.
Сарысу аудандық сайлау комиссиясы