Аудан халқының мәдени, рухани талап-тілегін қанағаттандыру жолында мәдени-көпшілік жұмыстарын ұйымдастыру бағытында «Мэлс Өзбеков атындағы» аудандық мәдениет үйі, «Сұлутөр» кинотеатры, 7 ауылдық мәдениет үйі мен 13 ауылдық клуб, 31 кітапхана /оның ішінде: 4 балалар кітапханасы/ барлығы 53 мәдениет ошағы тұрғындарға мәдени қызмет көрсетуде.
Ауданда халықтық атағы бар 5 ұжым бар («Б.Битанов» халық театры, «Сұлутөр» халықтық ән-би ансамблі, «Сұлутөр» халықтық вокалды аспапты ансамблі, «Әдемі» халықтық ән-би ансамблі, «Сударушка» халықтық фольклорлық ансамблі).
31 кітапхананың (26 - ыңғайластырылған ғимараттарда, оның ішінде: 15 - ауылдық мәдениет үйі мен клубтарда, 11 - әкімшілік, 5 - жеке ғимараттарда (ОКЖ балансында – Бәйтелі, Жақсылық, Қазақ, Жарлысу, Алғабас) орналасқан.
Ауданның мәдениет саласында нақты 210 қызметкер жұмыс атқарады.
Шығармашылық кұрамда 102 қызметкердің 69 жоғары білімді, 31 - арнаулы орта білімді, 1 орта білімді мамандар.
Кітапхана бойынша:
2020 жылға кітап қорының жалпы саны – 213085 дана , мемлекеттік тілде 143966 дана құрайды. Кітап берілімі – 143650 дана, оқырман саны- 13000 адам.