АҚПАРАТТЫҚ ХАБАРЛАМА 2024 жылдың 1 тоқсанында « БЖЗҚ» АҚ көрсеткен қызметтер саны 18 миллионнан асты

АҚПАРАТТЫҚ ХАБАРЛАМА

 

2024 жылдың 1 тоқсанында « БЖЗҚ» АҚ көрсеткен қызметтер саны 18 миллионнан асты 

 

01.01.2024ж. мен 31.03.2024ж. аралығында Бірыңғай жинақтаушы зейнетақы қоры халыққа 18,7 млн. астам қызмет көрсетті. Жүргізілген операциялардың ішінде 6,1 млн. астам қызмет электрондық форматта, ал автоматты түрде – 12,1 млн. қызмет, қашықтан 180 мыңнан астам қызмет көрсетіліп, жүзбе-жүз 296 мыңнан астам қызмет ұсынылды. Оның ішінде тікелей Қор  кеңселерінде 279 мыңнан астам қызмет көрсетілді.

АҚПАРАТТЫҚ ХАБАРЛАМА 2024 жылдың 1 тоқсанында « БЖЗҚ» АҚ көрсеткен қызметтер саны 18 миллионнан асты 01.01.2024ж. мен 31.03.2024ж. аралығында Бірыңғай жинақтаушы зейнетақы қоры халыққа 18,7 млн. астам қызмет көрсетті. Жүргізілген операциялардың ішінде 6,1 млн. астам қызмет электрондық форматта, ал автоматты түрде – 12,1 млн. қызмет, қашықтан 180 мыңнан астам қызмет көрсетіліп, жүзбе-жүз 296 мыңнан астам қызмет ұсынылды. Оның ішінде тікелей Қор кеңселерінде 279 мыңнан астам қызмет көрсетілді. Өздеріңізге белгілі, БЖЗҚ-ның шот ашу және төлемдердің көптеген түрлерін жүзеге асыру сияқты негізгі операциялары автоматты режимде көрсетіледі. Мұндай қызметтердің саны қарқындап өсуде. 2024 жылдың алғашқы үш айында шартты зейнетақы шоттарын (ШЗШ) (жұмыс берушінің міндетті зейнетақы жарнасын (ЖМЗЖ) аудару нәтижесінде ашылған) және нысаналы жинақтаушы шоттарды (НЖШ - "Ұлттық қор - балаларға" бағдарламасы шеңберінде) қоса алғанда, зейнетақы жарналарының барлық түрлері бойынша ашылған жеке зейнетақы шоттарының (ЖЗШ) жалпы саны 3,8 млн-нан асып түсті. Сондай-ақ, автоматты форматта " Ұлттық қор – балаларға "бағдарламасына қатысушылардың нысаналы талаптарын есепке алу және нысаналы жинақтарды алушыларға төлемдер жүзеге асырылуда. Жеке зейнетақы шотынан үзінді көшірме алу - әлі де танымал қызмет қатарында. Жыл басынан бері ЖЗШ/ШЗШ/НЖШ-дан 6,9 млн. астам үзінді көшірме берілді. Оның 5,4 млн. электронды түрде және 1,2 млн. астамы автоматты режимде жүзеге асырылды. Есепті кезеңде автоматты режимде біржолғы зейнетақы төлемдеріне 90,9 мың өтініш қабылданды. Оның ішінде тұрғын үй жағдайын жақсартуға - 63,6 мың, емделуге ақы төлеуге – 27,3 мың өтініш түсті. БЖЗҚ сайттағы және ұялы қосымшадағы Жеке кабинетте салымшылардың (алушылардың) өз деректемелеріне, банктік деректемелеріне өзгерістер мен толықтырулар енгізу, ЖЗШ бар екендігі туралы анықтама алу, 1 немесе 2 топтағы мүгедектіктің мерзімсіз белгіленуіне байланысты немесе ерікті зейнетақы жарналары бойынша зейнетақы төлемдерін тағайындау туралы өтініш беру сияқты қызметтерді пайдалануға мүмкіндіктері бар екенін еске салады. Сондай-ақ, зейнетақы жарналарын төлеу туралы өтініштің мәртебесін қадағалау, инвестициялық портфельді басқарушыға (ИПБ) жинақтардың бір бөлігін аудару, зейнетақы калькуляторының көмегімен болашақ зейнетақыны болжамды есептеу, ерікті зейнетақы жарналарын аудару және т.б. қызметтер әлемнің кез-келген нүктесінде 24/7 режимінде қолжетімді. 2024 жылғы қаңтар-наурыз айларында деректемелерді өзгертуге 64,2 мыңнан астам өтініш қабылданып, оның 56,3 мыңы Қордың кеңселерінде ұсынылды. БЖЗҚ мамандарына қандай да бір қызметке жүгіне отырып, салымшылар, әдетте, жинақтарды қалыптастыру бойынша да қосымша кеңестер ала алады. Ақпараттық-түсіндіру жұмыстары аясында 8,4 мыңнан аса көшпелі таныстырылым өткізіліп, оған 187 мың адам қатысты. Бұқаралық ақпарат құралдарында БЖЗҚ хабарламалары бойынша 9,7 мың материал орналастырылды. Салымшылардың кері байланыс арналары бойынша түскен өтініштерінің саны шамамен 180 мың. Естеріңізге сала кетейік, кез келген компания Қор кеңсесіне барып жинақтаушы зейнетақы жүйесінің мәселелері бойынша таныстырылым мен кеңестер өткізуге өтінім бере алады. Ол үшін 1418 нөмірі бойынша байланыс орталығына қоңырау шалу немесе Қор сайты немесе мобильді қосымшасы арқылы хабарласу қажет. БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, Twitter, Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).
Дата публикации
03 мая 2024