Ауыл шаруашылығы өнімдерінің өндірісін ынталандыру және ұлғайту жөніндегі шаралар кешенін жүзеге асыру. Нарықтық қатынастарды, жерді және басқа ресурстарды ұтымды пайдалануды ескере отырып, ауыл шаруашылығы саласындағы мемлекеттік аграрлық саясатты, басым мемлекеттік бағдарламаларды іске асыру жөніндегі жоспарларды әзірлеу. Уәкілетті органның келісімі бойынша оларды аудан аумағында өткізуді ұйымдастыру. Нарықтың жай-күйін талдау, баға белгілеу, ауыл шаруашылығы өнімдеріне сұраныс пен ұсыныстарды зерделеу, мүдделі тұлғалар арасында байланыс орнатуға ықпал ету. Егіншілікте бірыңғай технологиялық саясатты жүргізуді жүзеге асыру, ауыл шаруашылығы өндірісіне жаңа технологияларды енгізуге ықпал ету. Ауылдық аумақтарды дамыту бағдарламасын орындау мәселелеріне жетекшілік ету. Ауыл шаруашылығы саласындағы уәкілетті органға тұқым шаруашылығы, егіншілік саласындағы қажетті ақпаратты ұсынуды қамтамасыз ету. Ауыл шаруашылығы саласындағы субсидиялау бағдарламасын іске асыру. Ауыл шаруашылығы бөлімінің аудан әкімінің аппаратымен, аудандық бөлімдермен бөлім қызметінің мәселелері бойынша өзара іс-қимылын қамтамасыз ету.