Қазақстан Республикасының «Қазақстан Республикасындағы сайлау туралы» Конституциялық заңының 14 бабы 3) тармақшасы және Қазақстан Республикасының «Төтенше жағдай туралы» Заңының 15 бабы 9) тармақшасына сәйкес Қазақстан Республикасы Президентінің 2022 жылғы 5 қаңтардағы «Жамбыл облысында төтенше жағдайды енгізу туралы» № 375 Жарлығының негізінде, Жамбыл облысының шекараларында 2022 жылғы 5 қаңтардағы 20 сағат 30 минут пен 2022 жылғы 19 қаңтардағы 20 сағат 00 минут мерзімі кезеңінде енгізілген төтенше жағдайдың мерзімінің аяқталуына байланысты Жамбыл облыстық аумақтық сайлау комиссиясының 19.01.2022 жылғы №3 шешіміне сәйкес Мойынқұм аудандық аумақтық сайлау комиссиясы
ШЕШІМ ЕТЕДІ:
1. «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 13-1 тарауына сәйкес Мирный ауылдық округінің әкімін сайлау жұмыстары қосымша парақшада көрсетілген күнтізбелік жспарға сәйкес жалғастырылсын.
2. 2022 жылғы 30 қаңтарға Мойынқұм ауданының Мирный ауылы әкімінің сайлауы тағайындалсын.
3. Осы шешім Мойынқұм аудандық сайлау комиссиясының интернет-бетінде және аудандық "Мойынқұм таңы" газетінде жариялансын.
4. Осы шешімнің орындалуын бақылау Мойынқұм аудандық аумақтық сайлау комиссиясының хатшысы Ғ.Қалыбековке жүктелсін.