Әдептілік – басты құндылық!
Кез келген мемлекеттік қызметші жұмысқа тұрғаннан кейін үш күн мерзімде Әдеп Кодексінің мәтінімен таныстырылуы тиіс. Алдымен ол қызметтік тәртіпті бұлжытпай сақтауға, өзінің негізгі міндеттерін адал, бейтарап және сапалы атқаруға, жұмыс уақытын ұтымды және тиімді пайдалануға тырысуы керек. Мемлекеттік қызметшілердің сырт келбеті олардың қызметтік міндеттерін орындау кезінде мемлекеттік аппараттың беделін нығайтуға ықпал етуі, іскерлікпен, ұстамдылықпен және ұқыптылықпен ерекшеленетін жалпы қабылданған іскерлік талаптарына сай болуы қатаң сақталады. Мемлекеттік қызметшілер қызметтік жағдайларын және онымен байланысты мүмкіндіктерді қоғамдық және діни бірлестіктердің, басқа да коммерциялық емес ұйымдардың мүдделеріне, оның ішінде өзінің оларға көзқарасын насихаттау үшін пайдаланбауға тиіс. Тағы бір айта кетерлігі, мемлекеттік қызметтің беделіне нұқсан келтірмей, пікірсайысты сыпайы нысанда жүргізуге міндетті.
Осы мемлекеттік қызметшілердің әдебін сақтауда, олардың құқықтарын қорғауда Әдеп жөніндегі уәкілдердің қызметі тиімді жүзеге асырылған. Мемлекеттік қызметшілер әр түрлі жағдайдағы жеке сұрақтарымен алдымен Әдеп жөніндегі Уәкілге жүгініп, консультациялық көмектер алады. Аудан әкімі аппаратында Әдеп жөніндегі уәкілдің функционалдық міндеттері аудан әкімі аппаратының басшысы Атаева Нұрзия Ахатқызына жүктелген.
Айта кететін жайт, қазіргі уақытта пандемия талаптарын сақтау мақсатында Әдеп жөніндегі уәкілге жеке сұрақтармен онлайн байланыс арқылы жүгінуге болады. Телефон нөмірлері 87264224399, 87778766192