2021 жылдың 17 наурызында Мойынқұм аудандық мәслихат аппаратының мәжіліс залында Мойынқұм аудандық сайлау комиссиясының 2020 жылғы атқарған жұмыстарының қорытындысы және 2021 жылғы 10 қаңтарда өткен Қазақстан Республикасы Парламенті Мәжілісінің және мәслихаттарының депутаттарын кезекті сайлауын Мойынқұм ауданында әзірлеу мен өткізудің қорытындысы бойынша аудандық сайлау комиссиясының кеңейтілген отырысы өткізілді.
Кеңес жұмысына Жамбыл облыстық сайлау комиссиясының төрағасы Айдапкелов Серғали Өмірзақұлы, Мойынқұм ауданы әкімінің орынбасары Наметқұлов Амангелді Наметқұлұлы қатысып, Мойынқұм аудандық сайлау комиссиясының төрағасы Садуакасов Сержан Калхаманұлы жүргізіп отырды.
Кеңеске қатысушылар: сайлауын өткізу мен даярлау барысында жоғары белсенділік танытқан комиссия мүшелері және мекеме өкілдері.
Кеңейтілген отырыстың күн тәртібіне үш мәселе ұсынылды:
2.2021 жылғы 10 қаңтарда Қазақстан Республикасы Парламенті Мәжілісінің және мәслихаттарының депутаттарын кезекті сайлауды Мойынқұм ауданында әзірлеу мен өткізудің қорытындысы туралы.
3.Қазақстан Республикасы Парламенті Мәжілісінің және мәслихаттарының депутаттарын кезекті сайлауын өткізу мен даярлау барысында жоғары белсенділік танытқан азаматтарды марапаттау туралы.
Күн тәртібіндегі бірінші және екінші мәселе бойынша аудандық сайлау комиссиясының төрағасы С.Садуакасов баяндама жасап, Жамбыл облыстық сайлау комиссиясының төрағасы С.Айдапкелов атқарылған жұмыстарға өз алғысын білдірді. Сонымен қатар Қазақстан Республикасы Парламенті Мәжілісінің және мәслихаттарының депутаттарын кезекті сайлауын өткізу мен даярлау барысында жоғары белсенділік танытқан комиссия мүшелерін алғыс хатпен марапаттады.