Мойынқұм ауданы әкімдігі Қазақстан Республикасының 2015 жылғы 18 қарашадағы «Сыбайлас жемқорлыққа қарсы ісқимыл туралы» №410-V Заңының 8-бабының 5-тармағына және Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген «Сыбайлас жемқорлық тәуекелдеріне ішкі талдау жүргізудің үлгілік қағидаларына» сәйкес 2023 жылдың 1 мен 31 тамыз аралығында сыбайлас жемқорлық тәуекелдеріне ішкі талдау жүргізілетінін хабарлаймыз. Сыбайлас жемқорлық тәуекелдеріне ішкі талдау Мойынқұм ауданы әкімдігіндегі ұйымдастырушылық-басқарушылық қызметіндегі сыбайлас жемқорлық тәуекелдерін анықтауға бағытталған. Осыған байланысты Мойынқұм ауданы әкімінің 17 шілде 2023 жылғы №317-өкіміне сәйкес Мойынқұм ауданы «Қызылотау ауылдық округі әкімі аппараты» коммуналдық мемлекеттік мекемесіне сыбайлас жемқорлық тәуекелдеріне ішкі талдау нәтижелері жария талқылау жүргізілетін болады.