Протокол районного аппаратного совета №4

Аудандық аппараттық кеңестің

ХАТТАМАСЫ

№ 4

 

Мойынқұм ауылы                                                         2024 жылғы 4 наурыз

 

Кеңестің төрағасы: Ә.Балқыбеков

Қатысқандар: тізім бойынша

 

  1. 2024 жылдың көктемгі екі айлық сенбілік жұмыстарына дайындық барысы туралы (жасыл белдеулердің жай-күйі мен тал-дарақтарды егу жоспары).

 (С.Төлегенов, Т.Үсенбаев)

 

  1. Аудан әкімінің орынбасары С.Төлегенов, аудан әкімдігінің тұрғын үй – коммуналдық шаруашылық, жолаушылар көлігі және автомобиль жолдары бөлімі (жинақтаушы), Мойынқұм, Қылышбай, Қарабөгет, Қызылотау, Қызылтал, Биназар, Бірлік, Кеңес ауылдық округ әкімдері заңнама талаптарына сәйкес:
  • 2024 жылға «Жасыл белдеу» учаскелеріне нақты егілетін тал-дарақтардың жоспарын пысықтасын.

Орындалу мерзімі: 12.03.2024 жыл.

  • Мойынқұм ауылдық округінің әкімі Р.Тұрарқұл, аудан әкімдігінің тұрғын үй – коммуналдық шаруашылық, жолаушылар көлігі және автомобиль жолдары бөлімімен бірлесіп, санитарлық талаптарға сай келмейтін аудан орталығындағы жеке тұрғын үйлердің иесімен, кәсіпкерлік нысандарының өкілдерімен түсіндіру жұмыстарын жүргізсін, тиісті шаралар қабылдасын.

Орындалу мерзімі: тұрақты.

 

1.2. Аудан әкімінің орынбасары С.Төлегенов, аудан әкімдігінің тұрғын үй – коммуналдық шаруашылық, жолаушылар көлігі және автомобиль жолдары бөлімі (жинақтаушы), аудан әкімдігінің бөлімдері, ведомстволық бағынысты мекемелер (келісіммен), ауыл, ауылдық округ әкімдері заңнама талаптарына сәйкес:

1) Көктемгі екі айлық сенбілік жұмыстары кезінде мекеме басшылары  сенбілік жұмыстардың өтуі бойынша жеке дара қатысып, басшылыққа алсын.

Орындалу мерзімі: тұрақты.

  

  1. Наурыз айында өтетін мерекелік іс-шаралар туралы.

(М.Тулеулиев, Ж.Несіпбаева)

 

2.1. Аудан әкімінің орынбасарлары С.Төлегенов, Е.Әмірханов, М.Тулеулиев, аудан әкімдігінің ішкі саясат бөлімі (жинақтаушы), аудандық полиция бөлімі (келісіммен), аудан әкімдігінің бөлімдері, ведомстволық бағынысты мекемелер, ауыл, ауылдық округ әкімдері заңнама талаптарына сәйкес:

1) 8 наурыз - Халықаралық әйелдер күні мерекесі бекітілген жоспарға сәйкес тиісті деңгейде аталып өтсін.

Орындалу мерзімі: 2024 жылдың наурыз айы.

2) Аудандық полиция бөлімі мерекелік демалыс күндері қоғамдық тәртіптің сақталуын қамтамасыз етсін.

 Орындалу мерзімі: 2024 жылдың наурыз айы.

3) Аудан әкімдігінің ішкі саясат бөлімі үйлестіруші ретінде аудандық аппараттық кеңестің күн тәртібіне 22 наурыз - Ұлыстың Ұлы күні мерекесінің аталып өтуін енгізсін.

 Орындалу мерзімі: 2024 жылдың наурыз айы.

 

2.2. Аудан әкімінің орынбасары М.Тулеулиев, аудан әкімдігінің ішкі саясат бөлімі (жинақтаушы), ауыл, ауылдық округ әкімдері заңнама талаптарына сәйкес:

Ауыл, ауылдық округтердегі ақпараттық-көрнекілік тақтайшаларды  (билборд) жандандыру жұмыстарын жүргізсін.

Орындалу мерзімі: 01.04.2024 жыл.

 

  1. Азық-түлік бағаларын тұрақтандыру мәселелері туралы.

 (Е.Әмірханов, А.Абдразақов)

 

           3.1. Аудан әкімінің орынбасары Е.Әмірханов, аудан әкімдігінің кәсіпкерлік және өнеркәсіп бөлімі (жинақтаушы), ауыл, ауылдық округ әкімдері заңнама талаптарына сәйкес:

  • Әлеуметтік маңызы бар азық-түлік тауарларының дүкендерінде сауда үстеме ақысын 15%-дан асырмау бойынша, аптасына 1 рет аудан әкімдігінің кәсіпкерлік және өнеркәсіп бөлімі мен ауыл, ауылдық округ әкімдері, мониторинг жүргізіп, нарықтағы бағаны бақылауда ұстасын.

               Орындалу мерзімі: тұрақты.

              2)   Сауда үстеме ақысын 15%-дан асыру фактісі орын алған жағдайда қолданыстағы заңнама талаптарына сәйкес тиісті шаралар қабылдансын.

Орындалу мерзімі: тұрақты.

 

           3.2. Аудан әкімі аппаратының басшысы Н.Қазақбайұлы заңнама талаптарына сәйкес:

 1) Аудан әкімдігі кәсіпкерлік және өнеркәсіп  бөлімінің басшысы

А.Абдразаховқа ауызша түрде ескерту берілсін.

            2) Аудан әкімдігінің нормативтік-құқықтық актілерімен құрылған комиссия мүшелерінің құрамын уақытылы жандандырмаған тиісті мекеме басшыларына қызметтік хат ұсынсын.

                Орындалу мерзімі: 05.03.2024жыл.

 3)  Аппараттық кеңестердің күн тәртібіне ауыл, ауылдық округ әкімдері мен бөлім басшыларының, ведомстволық бағынысты мекемелердің атқарылған жұмыстары туралы есебін енгізсін.  

                Орындалу мерзімі: 12.03.2024жыл .

 

           Осы хаттаманың орындалуын бақылау тиісті аудан әкімінің орынбасарларына және аудан әкімінің аппаратына жүктелсін.

 

 

Аудан әкімі                                           Ә.Балқыбеков

 

 

 

С.Төлегенов

Е.Әмірханов

М.Тулеулиев

 

 

 

 

 

 

 

 

 

 

Хаттамалаған 

Т.Мұсахан

Протокол районного аппаратного совета №4
Дата публикации
06 июня 2024