Меркі ауданында Құрылтай депутаттарын сайлауына дайындық аясында онлайн сервисті пайдалану бойынша оқыту өткізілді

Меркі ауданында Құрылтай депутаттарын сайлауына дайындық аясында онлайн сервисті пайдалану бойынша оқыту өткізілді

2026 жылғы 18 тамыз күні Қазақстан Республикасы Құрылтай депутаттарын сайлауына дайындық аясында Меркі аудандық мәдениет үйі ғимаратында онлайн сервистік орталықпен қамтылған сайлау учаскелерінде дауыс беру күні азаматтардың тұрғылықты жері бойынша тіркелуін тексеру сервисін орнату және пайдалану мәселелері бойынша жауапты мүшелерге оқыту семинары өткізілді.

          Оқытуды «Азаматтарға арналған үкімет» мемлекеттік корпарациясы»    коммерциялық емес акционерлік қоғамының Жамбыл облысы бойынша филиалының Меркі аудандық бөлімінің мамандары Н.Т.Өмірбаев және Б.Қ.Дәулет жүргізді.

          Оқыту барысында қатысушыларға:

• азаматтардың тіркелуін тексеру онлайн сервисін пайдалану тәртібі,
• жүйені орнату және іске қосу алгоритмі,
• дауыс беру күні туындауы мүмкін техникалық мәселелерді шешу жолдары түсіндірілді.

          Семинар нәтижесінде учаскелік комиссия мүшелері онлайн сервисті пайдалану бойынша қажетті тәжірибелік білім алып, сайлау күні азаматтарға сапалы қызмет көрсетуге дайын екендіктерін көрсетті.

          Бұл шара сайлауды ұйымдастыру барысында ашықтықты қамтамасыз етуге, сондай-ақ сайлаушыларға көрсетілетін қызметтердің қолжетімділігі мен тиімділігін арттыруға бағытталған.