Жаңа Конституция жобасының жариялануы – еліміздің қоғамдық-саяси өміріндегі аса маңызды оқиға. Бұл құжат тек құқықтық нормаларды айқындап қана қоймай, ұлттық идеологияны жаңғыртуға, қоғамдық сананы жаңа тарихи кезең талаптарына бейімдеуге бағытталған стратегиялық шешім болып табылады. Конституцияда адам, оның өмірі, құқықтары мен бостандықтары ең жоғарғы құндылық ретінде бекітілуі – азаматтың мемлекет алдындағы жауапкершілігін арттырып, заңға құрмет мәдениетін қалыптастыруға берік негіз қалайды.
Сонымен қатар, жаңа Конституция жобасында қоғамдық келісім, ұлттық бірлік, ұлтаралық татулық және әлеуметтік тұрақтылық қағидаттары сабақтастықпен қамтылған. Бұл бағыттар ел ішіндегі бейбітшілік пен тұрақтылықты сақтауға, мемлекетшілдік сананы нығайтуға қызмет етеді. Құжатта білім беру, ғылым, мәдениет және жастар тәрбиесі ел дамуының негізгі басымдықтары ретінде белгіленген. Мұндай нормалар жас ұрпақтың тарихи санасын қалыптастырып, отансүйгіштік рухын күшейтуге ықпал етеді.
Жаңа Конституция – «Әділетті Қазақстан» қағидатын орнықтыратын, азаматтардың ел тағдырына ортақ жауапкершілігін арттыратын және ұлттық идеяны нақты мазмұнмен толықтыратын іргелі құжат. Бұл – болашаққа сенімді қадам.
Жекебаев Ұлан Жамбыл ауылының тұрғыны