⠀
Абай атамыздың «Ұстаздық еткен жалықпас, үйретуден балаға» деп айтқанындай, ұстаз – ұлт болашағын қалыптастыратын, ел ертеңін тәрбиелейтін ұлы тұлға. Сіздердің әрбір сөзіңіз бен үйреткен біліміңіз жас ұрпақтың жүрегінде өшпес із қалдырып, өмір жолына бағыт-бағдар береді.
⠀
Мемлекет тарапынан соңғы жылдары ұстаздардың мәртебесін арттыруға, әлеуметтік жағдайын жақсартуға ерекше көңіл бөлініп келеді. Бұл – еңбектеріңізге деген құрметтің, ұстаздық қызметтің қоғамдағы айрықша орнын мойындаудың айғағы.
⠀
Меркі ауданының білім саласында еңбек етіп жүрген барша ұстаздарға алғыс айтамын. Сіздердің қажырлы еңбектеріңіз бен адал қызметтеріңіз – ауданымыздың дамуы мен жас ұрпақтың тәрбиесіне қосылған зор үлес.
⠀
Баршаңызға зор денсаулық, шығармашылық табыс, отбасылық береке және шәкірттеріңіздің құрметіне бөлене берулеріңізді тілеймін!
⠀
Мерекелеріңізбен, құрметті ұстаздар!