Қадірлі қариялар, ардақты ардагерлер!
⠀
Баршаңызды 1-қазан – Халықаралық қарттар күнімен шын жүректен құттықтаймын! Бұл күн – ел дамуына өлшеусіз үлес қосқан, ұрпақ тәрбиесінде өнеге болған аға буынға деген шынайы құрметтің белгісі.
⠀
Қарияларымыз – тарихтың тірі куәгері, елдің еңсесін көтерген майталмандар. Сіздердің даналыққа толы ғұмырыңыз бен өмірлік тәжірибелеріңіз – кейінгі ұрпаққа бағдаршам, қоғамға рухани тірек. «Қарты бар ел – қазыналы ел» деген дана сөздің мәні біздің өңірде әрқашан жоғары тұрады.
⠀
Мемлекет тарапынан қарттарға жан-жақты қолдау көрсетіліп келеді. Зейнетақы жүйесі жетілдіріліп, әлеуметтік және медициналық қызметтер сапасы артуда. Ауданымызда да бұл бағыттағы жұмыстар тұрақты жалғасып, қариялардың өмір сүру жағдайын жақсартуға, бос уақытын тиімді өткізуіне, қоғам өміріне белсене араласуына жағдай жасалуда.
⠀
Құрметті қариялар! Сіздерге зор денсаулық, ұзақ ғұмыр, отбасыларыңызға шаттық пен береке тілеймін. Әр күніңіз мейірім мен мағынаға тола берсін!
Мереке құтты болсын!