Меркі аудандық мәслихатының депутаттығына №7 және №13 бірмандаттық сайлау округтері бойынша тіркелген кандидаттармен кездесу
Меркі аудандық сайлау комиссиясының төрағасы Ш.Абылкасымов 2025 жылдың 26 қазанына №7 және №13 бірмандаттық аумақтық сайлау округтері бойынша Меркі аудандық мәслихатының шығып қалған депутаттарының орнына тағайындалған сайлауға тіркелген үміткерлермен кездесу өткізді. «Қазақстан Республикасы сайлау туралы» заңының 27-36 баптарында көрсетілген сайлау алдындағы үгiтті жүргізу тәртібі, құқықтары мен ережелерін таныстырып өтті.
Жалпы тіркелген 6 үміткерге сайлау алдындағы үгiт кандидаттар тiркелген мерзімі аяқталған кезден басталып, сайлау болатын күннің алдындағы күнгi жергілiктi уақыт бойынша нөл сағатта аяқталатындығын айтты.
Үгіт үш негізгі тәсілмен:
1) бұқаралық ақпарат құралдары арқылы;
2) сайлау алдындағы көпшілік іс-шараларды, сондай-ақ кандидаттардың және олардың сенім білдірген адамдарының сайлаушылармен жеке кездесулерін өткізу арқылы;
3) баспа, дыбыс-бейне және өзге де үгіт материалдарын шығару және тарату арқылы жүзеге асырылады.
Үгіт жүргізу үшін қаражат қарастырылғанын және кандидаттарға қолма-қол берілмейтіндігін, тапсырысты орындаған мекеме орындалған туралы есепті сайлау комиссиясы қабылдап, сол арқылы қаржы тапсырысты орындаған мекемеге аударылатынын түсіндірді.
№7 және №13 округтік сайлау комиссиясының төрағалары Н.Тулебаев пен С.Сеитова үміткерлердің сайлау тәртібін сақтауға шақырып, тіркелген кандидаттарға тиісті куәліктерін табыстады.