«Аудандық маңызы бар қала, ауыл, кент, ауылдық округ әкімінің сайлауын ұйымдастырудың теориялық және практикалық негіздері» тақырыбында оқыту-семинары

«Аудандық маңызы бар қала, ауыл, кент, ауылдық округ әкімінің сайлауын ұйымдастырудың теориялық және практикалық негіздері» тақырыбында оқыту-семинары

 

         2025 жылдың 25 ақпанында Меркі аудандық мәдениет үйінде Жамбыл облыстық аумақтық сайлау комиссиясының ұйымдастыруымен «Аудандық маңызы бар қала, ауыл, кент, ауылдық округ әкімінің сайлауын ұйымдастырудың теориялық және практикалық негіздері» тақырыбында аумақтық және учаскелік сайлау комиссиялары мүшелерінің біліктілігін арттыруға арналған оқыту-семинар өтті.

​Оқыту-семинарға Жамбыл облыстық сайлау комиссиясының мүшелері, Меркі аудандық аумақтық және учаскелік сайлау комиссияларының толық құрамы, сондай-ақ, жергілікті атқарушы органның сайлау процесіне қатысты өкілдері, тиісті бөлім басшылары мен бұқаралық ақпарат құралдарының өкілдері қатысты.

         Дәріс беру алдында барлық комиссия мүшелерінен «Сайлау туралы» Конституциялық заңға сәйкес білім деңгейін анықтауға бағытталған тест сұрақтары өткізілді.

​         Оқу-семинарының бағдарламасына сәйкес, «Қазақстандағы сайлау жүйесін трансформациялау барысы, жалпыға бірдей сайлау құқығы және «Қазақстан Республикасының аудандық маңызы бар қала, ауылдардың, кенттердің, ауылдық округ әкімдерін сайлау бойынша процестегі ерекшеліктері туралы» тақырыбында Жамбыл облыстық сайлау комиссиясының төрағасы С.Айдапкелов сөз сөйледі.

​      Келесі кезекте Меркі ауданы әкімі аппаратының басшысының у.м.а Нарікбаев Н.Б. «Аудандық маңызы бар қала, ауыл, кент, ауылдық округ әкімдерін сайлауын даярлау мен өткізу барысындағы жергілікті атқарушы органдардың жауапкершілігі туралы» тақырыбында баяндама оқыды.

 

         Оқу-семинарының бағдарламасына сәйкес комиссия мүшелеріне келесі тақырыптарда дәрістер оқылды:

1. «Аудандық маңызы бар қала, ауыл, кент, ауылдық округ әкіміне кандидат ұсыну және тіркеу» және «Әкімдікке кандидаттардың құжаттарын заң талаптарына сәйкестігін тексеру туралы»;
2. «Сайлаушылар тізімін қалыптастыру тәртібі, тізімге енгізу, таныстыру және сайлаушылардың құқығы», «Сайлау алдындағы үгіт, байқаушылар, сенім білдірген адамдар туралы» және «Сайлаушылардың дауыс беретін уақыт пен орны туралы хабардар етудің алгоритмі»;
3. «Аудандық маңызы бар қала, ауыл, кент, ауылдық округ әкімдерін сайлау бойынша дауыс беру және дауыс беру қорытындыларын айқындау тәртібі туралы»;
4. «Бұқаралық ақпарат құралдары, онлайн-платформалар арқылы ақпараттандырудың негізгі аспектілері немесе алтын уақыт алгоритмі туралы» және «Сайлаушылардың дауыс беретін уақыт пен орны туралы хабардар етудің алгоритмі»;
5. «Сайлауды мемлекеттік және мемлекеттік емес қаржыландыру туралы» және «Кандидаттың қаржыны жұмсаудың және олардың нақты мөлшерлеріне негізделген алгоритмі»;
6. «Мүмкіндігі шектеулі азаматтардың сайлау құқықтарын іске асыру бойынша қажетті шаралар қабылдау туралы» және «Мүгедектігі бар сайлаушыларға дауыс беруді ұйымдастыру алгоритмі туралы»;
7. «Жанжалды жағдайларды басудың медиативті технологиялары»;
8. «Сайлау бостандығының кепілдіктері және сайлау комиссиясының әрекеттеріне шағым жасау, оларға қаралған құқықтық жауапкершілік туралы» және «Төтенше жағдай және арыз-шағымды қарау алгоритмі туралы»

         Учаскелік комиссия мүшелерімен кері байланыс жүргізу мақсатында әр тақырыпқа сәйкес кеистік тапсырмалар арқылы сұрақ-жауап айдары өткізіліп отырды.

         Семинар барысында №269 сайлау учаскесінің төрағасы И.Жүнісжанов байқаушылармен сенімді өкілдердің құқықтары, №283 сайлау учаскесінің төрағасы И.Алимхожин блогерлік айналысатын адамдарға қолданатын шара, №284 сайлау учаскесінің төрағасы Н.Мырзаханов тарапынан тізімде жоқ сайлаушылармен дұрыс жұмыс жүргізу туралы сұрақтар қойылып, толық жауаптар алынды.

         Семинар соңында комиссия мүшелерінен «Аудандық маңызы бар қала, ауыл, кент, ауылдық округ әкімінің сайлауын ұйымдастырудың теориялық және практикалық негіздері» тақырыбы бойынша аумақтық және учаскелік сайлау комиссиялары мүшелерінің біліктілігін арттыруға арналған семинар-тренингтің»  тақырыптарын бекітуге бағытталған тест алынды. Сегіз сағаттық оқыту-семинарға қатысып, біліктілігін арттырған барлық комиссия мүшелеріне сертификаттар табысталды.

 

Меркі аудандық аумақтық сайлау комиссиясы