Шаруа немесе фермер қожалығын және ауыл шаруашылығы өндірісін жүргізу үшін ауыл шаруашылығы мақсатындағы жер учаскелерін жалға беру жөніндегі конкурстық комиссия отырысының хаттамалық шешімі
Комиссия мүшелері конкурстық өтінімдерді жан-жақты талқылап, зерделей келе конкурстың жеңімпаздарын Қазақстан Республикасы Жер кодексінің 43-1-бабына сәйкес және Қазақстан Республикасы Премьер-Министрінің орынбасары-Қазақстан Республикасы Ауыл шаруашылығы министрінің 2018 жылғы 20 желтоқсандағы «Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты ұйымдастыру мен өткізу қағидаларын бекіту туралы» №518 бұйрығын негізге ала отырып, барлық өтінімдерді олардың сәйкестігін, толықтығын, есептемелердегі қателіктердің, құжаттардағы барлық қолтаңбалардың бары тұрғысынан зерделеді, сондай-ақ жалпы рәсімдеудің дұрыстығын тексеріп, конкурстық ұсыныста көрсетілген бизнес-жоспар, оның ішінде, инвестициялардың болжамды көлемі бойынша өтінімдерді бағалап, салыстырды.
Конкурстық ұсыныстарды және шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа қатысуға өтінімдерді қарау кезінде, ұсынылған конкурстық ұсыныстар мен өтінімдердің мәнін қозғамайтын, түзетуге болатын грамматикалық және арифметикалық қателер назарға алынған жоқ.
Сонымен қатар, осы ауданда, ауылда, кентте кемінде 5 жыл тұратын адамдарға орталық уәкілетті орган айқындаған тәртіпке сәйкес жер учаскесін алу кезінде олардың конкурстық ұсыныстарына қосымша балл беру түрінде артықшылық берілді.
Егерде екі және одан да көп конкурстық ұсыныстардың тартылатын инвестицияның ұсынылған көлемі бойынша балдары тең болған жағдайда конкурстың жеңімпазы комиссия мүшелерінің ашық дауыс беруі арқылы анықталады. Бұл жағдайда ең жоғары балл алған және комиссия мүшелерінің ең көп дауысын алған қатысушы жеңімпаз болып танылды.
Сондай-ақ, жеңімпаздарды анықтау барысында назарға алынған қаулы Қазақстан Республикасы Үкіметінің 2023 жылғы 25 қаңтардағы №42 қаулысы. Осы қаулымен уақытша жер пайдалану құқығымен Қазақстан Республикасының азаматында шаруа немесе фермер қожалығын жүргізу үшін, шетелдік қатысуы жоқ Қазақстан Республикасының мемлекеттік емес заңды тұлғасында және оның үлестес тұлғаларында ауыл шаруашылығы өндірісін жүргізу үшін болуы мүмкін республиканың және бiр әкiмшiлiк ауданның (қаланың), облыстың шегінде ауыл шаруашылығы алқаптарының түрлері бойынша ауыл шаруашылығы мақсатындағы жер учаскелерiнiң шектi (ең жоғары) мөлшерi бекітілген.
Қазақстан Республикасы Жер кодексінің 43-1-бабының 8-тармағына сәйкес, шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі өткізілетін конкурстарға жер учаскелері мәжбүрлеп алып қойылған тұлғалар тізілімінде тұрған тұлғалар, сондай-ақ шаруа немесе фермер қожалығын не ауыл шаруашылығы өндірісін жүргізу үшін ауыл шаруашылығы мақсатындағы жер учаскесін уақытша өтеулі жер пайдалану (жалға алу) шартына қол қоюдан бас тартқан, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурс жеңімпазының бір жыл бойы келесі конкурстарға қатысуға құқығы болмайтындығы назарға алынып құжаттар зерделенді. Жоғарыда аталған заңнама талаптарына сәйкес,
Жер комиссиясы төмендегідей шешім қабылдады:
1-лот. Кеңес ауылдық округінің аумағындағы 130 га суармалы егістік жер учаскесі бойынша жеңімпаз – Омирбеков Максат Жаксылыкович
2-лот. Кеңес ауылдық округінің аумағындағы 15 га тәлімді егістік жер учаскесі бойынша жеңімпаз – Умиров Даулет Сабитханович
3-лот. Кеңес ауылдық округінің аумағындағы 15 га тәлімді егістік жер учаскесі бойынша жеңімпаз – Калыкулов Марат Еренсизович
4-лот. Кеңес ауылдық округінің аумағындағы 31 га тәлімді егістік жер учаскесі бойынша жеңімпаз – Жексенбиева Салтанат Карабаевна
5-лот. Кеңес ауылдық округінің аумағындағы 31 га тәлімді егістік жер учаскесі бойынша жеңімпаз – Шотанов Нурбол Наметханович
6-лот. Жаңатоған ауылдық округінің аумағындағы 1,5 га тәлімді егістік жер учаскесі бойынша жеңімпаз – Алишев Жулдыз Науатбекович
7-лот. Жаңатоған ауылдық округінің аумағындағы 2 га тәлімді егістік жер учаскесі бойынша жеңімпаз – Тайтелева Айжан Науатбековна
8-лот. Жаңатоған ауылдық округінің аумағындағы 3,9 га тәлімді егістік жер учаскесі бойынша жеңімпаз – Закиров Айдын Муратович
9-лот. Жаңатоған ауылдық округінің аумағындағы 4,3 га тәлімді егістік жер учаскесі бойынша жеңімпаз – Жанаканов Кадиржан Абдибаевич
10-лот. Жаңатоған ауылдық округінің аумағындағы 1,8 га тәлімді егістік жер учаскесі бойынша жеңімпаз – Абдрасилов Бахыт Аманулы
11-лот. Жаңатоған ауылдық округінің аумағындағы 3,9 га тәлімді егістік жер учаскесі бойынша жеңімпаз – Темирбеков Алимхан Суюнбекович