Меркі аудандық мәслихатының шешіміне сәйкес 2023 жылдан бастап жергілікті бюджет есебінен «Тұрғын үйді газдандыруға біржолғы әлеуметтік көмек» түрі енгізілді.
«Тұрғын үйді газдандыруға біржолғы әлеуметтік көмек» :
жан басына шаққандағы табысы 2 (екі) айлық күнкөріс деңгейінен (88 706 теңге) аспайтын газдандыруға жататын жергілікті жеке тұрғын үйде тұратын, оларда және отбасы мүшелерінде басқа тұрғын үйі болмаған жағдайда, жеке меншік иесі немесе жеке меншік иесінің отбасы мүшелері болып табылатын:
- жасы бойынша зейнеткерлерге;
- мүгедектігі бар адамдарға;
- мүгедектігі бар балалары бар немесе оларды тәрбиелеуші отбасыларға;
- көп балалы аналарға және көп балалы отбасыларға;
- атаулы әлеуметтік көмек алушыларға;
- басқа мемлекеттердiң аумағындағы ұрыс қимылдарының ардагерлеріне;
- жетім баланың (жетім балалардың) және ата-анасының қамқорлығынсыз қалған баланың (балалардың) қамқоршыларына немесе қорғаншыларына жүргізіледі.
Әлеуметтік көмектің көлемі 100 (жүз) айлық есептік көрсеткіштен аспайтын газ құбырын орнатуға және жүргізуге байланысты өтініш берушінің нақты шығындарының негізінде анықталады.
Әлеуметтік көмек алу үшін өтініш беруші уәкілетті органға жүгінеді және Үлгілік қағидалардың 13 тармағында көзделген құжаттар тізбесіне қосымша газ құбырын орнату және жүргізуге байланысты болған шығыстарын растайтын акт және/немесе құжат (чектердің, түбіртектердің көшірмелері, қызметтерді көрсетуге арналған шарт) және жылжымайтын мүлікке тіркелген құқығының болмауы (болуы) туралы анықтама қоса беріледі.
Біржолғы әлеуметтік көмек газ құбырын орнатуға және жүргізуге шарт жасалған сәттен бастап бір жыл ішінде және осы шешім заңды күшіне енген мерзімнен кейін өтініш берген тұрғын үй иелеріне беріледі.
Аталған сұрақ бойынша тіркелген мекен-жайыңыз бойынша ауылдық округ әкімі аппаратына қайыруларыңызды сұраймыз.
Меркі ауданы әкімдігінің жұмыспен қамту және
әлеуметтік бағдарламалар бөлімі