- Азаматтардың "электрондық үкімет" порталында тіркелген жері бойынша мәліметтерді тексерудің Онлайн-сервисін (бұдан әрі – онлайн-сервис) жергілікті атқарушы органдар ұсынған, республикалық референдумға қатысу құқығы бар азаматтардың тізіміне енгізілмеген жағдайда, азаматтар жүгінген кезде учаскелік референдум комиссияларының мүшелері пайдаланады.
- Референдум учаскесінің шекараларында тұрғылықты жері бойынша тұрақты тіркелген азамат өзін республикалық референдумға қатысуға құқығы бар азаматтардың тізімінде танымаған жағдайда, осы алгоритмге қосымшаға сәйкес нысан бойынша оның дербес деректерін пайдалану туралы келісімін көрсете отырып, тізімге енгізу туралы жазбаша өтінішпен учаскелік комиссияға жүгінуге құқылы.
- Учаскелік референдум комиссиясының мүшесі азаматтың жазбаша өтініші негізінде оның тұрғылықты жері бойынша тіркелгені туралы мәліметтерді онлайн-сервис арқылы тексереді.
- Онлайн-сервис парағында Өтініш берушінің тұрғылықты жері бойынша референдумның тиісті учаскесінің шекарасындағы аумақта тұрақты тіркелгені туралы мәліметтер расталған кезде учаскелік комиссия оны республикалық референдумға қатысуға құқығы бар азаматтардың тізіміне енгізу туралы шешім қабылдайды.
- Өтініш берушінің тұрғылықты жері бойынша референдум учаскесінің шекараларында тұрақты тіркелгені туралы мәліметтер расталмаған жағдайда, учаскелік комиссия республикалық референдумға қатысуға құқығы бар азаматтардың тізіміне енгізуден бас тарту туралы дәлелді шешім қабылдайды және өтініш берушіге оның көшірмесін береді.
Қордай аудандық референдум комиссиясы
Кордайская районная комиссия референдума