Құрметті аудан тұрғындары!
Баршаңызды шуақты көктемнің алғашқы мерекесі 1 наурыз – Алғыс айту күнімен шын жүректен құттықтаймын!
Алғыс айту күнінің негізгі мақсаты – ортақ тарихымыз бен азаматтардың бір-біріне деген қолдауының арқасында көпұлтты Қазақстанның бірлігін сақтау әрі дамыту болып табылады.
Бұл күн тағдыр тәлкегімен Қазақстан жеріне қоныс аударған түрлі этнос өкілдерінің құтты қонысына айналған қасиетті қазақ жері мен қонақжай қазақ халқына терең тағзымының белгісі.
Сондай-ақ, еліміздегі барлық азаматтардың бiр-бiрiне деген сыйластығы мен ынтымағы, ортақ тарихты құрметтеу, өзара көмек пен қолдау көрсету күнi.
Әр адам жақсылығы үшін алғыс алып, өзіне көрсетілген көмек пен демеу үшін рахмет-ризашылығын білдіретін күн.
Алғыс айту күні – қиын заманды иық тіресе бірге еңсеріп, қысқа мерзім ішінде Тәуелсіз Қазақстан құру жолында аянбай тер төккен еліміздің бар-лық азаматтарының бір-біріне құрмет білдіретін, тағдыр тоғыстырған Қазақстанның көпэтносты халқының ортақ тарихын құрметтеу, қайырымдылық дәстүрлерін, әлеуметтік ынты-мақты және өзара көмек көрсетуді қолдау күні.
Қымбатты қордайлықтар!
Жаңа Қазақстанды құру және ауданымызды дамыту жолында атқарып жатқан қажырлы да тынымсыз еңбектеріңіз, күш-қайраттарыңыз, әр іске деген жауапкершіліктеріңіз үшін Сіздерге өз алғысымды білдіремін!
Көктемнің алғашқы мерекесі күні Елімізге тыныштық, әрқайсыңыздың отбасыңызға береке мен бірлік тілеймін!