2023 жылғы 27 шілдеде Ауқатты ауылдық округінің учаскелік сайлау комиссияларының мүшелерімен семинар–тренинг өтті
2023 жылғы 27 шілдеде №230 учаскелік сайлау комиссиясының базасында Ауқатты ауылдық округі әкімінің кезектен тыс сайлауын дайындау және өткізу бойынша семинар-тренинг өтті. Семинар-тренингтің модераторы Қордай аудандық сайлау комиссиясының төрағасы А.Сырлыбаев болды. Семинар-тренингке учаскелік сайлау комиссияларының төрағалары, орынбасарлары, хатшылары мен мүшелері қатысты. Барлығы: 23 адам.
№ 230 учаскелік сайлау комиссиясының төрағасы сайлау күні сайлау комиссиясы мүшелерінің жұмыс алгоритмі туралы егжей-тегжейлі айтып берді. Аудандық сайлау комиссиясының мүшелері сайлау күні сайлау комиссиялары мүшелерінің әрбір әрекеті және хаттамалар жасау тәртібі бойынша түсініктемелер берді.
Сондай-ақ сайлау күні байқаушылармен сайлау комиссиясы мүшелерінің жұмысы және әлеуметтік желілерді бақылау мәселесі қаралды.
Барлық сұрақтар бойынша жауаптар мен түсініктемелер берілді.
Қордай аудандық аумақтық сайлау комиссиясы