Облыс бойынша 12 айдың қорытындысымен ішкі сауда көлемі 984,6 млрд. теңгені құрады, нақты көлем индексі – 102,9%. Оның ішінде:
Сауда саласына 2024 жылы 25,6 млрд. теңге сомасында инвестициялар түсті. Облыстағы сауда кәсіпорындары және мекемелерімен 355,0 млрд. теңгеге сауда жасалынған. Ауылдық жерлердегі бөлшек сауда-саттық 126,6 млрд. теңге, көтерме сауда 59,3 млрд. теңгені құраған. 2025 жылдың 1 қаңтарына облыстағы көтерме және бөлшек сауда кәсіпорындарында 55,6 млрд. теңгеге тауар қоры сақталған. Оның ішінде бөлшек сауда орындарында құны 32,1 млрд. теңге болатын 40 күнге жететін тауар қоры; көтерме сауда нысандарында 23,5 млрд. теңгеге 41 күнге жететін тауарлар сақтаулы тұр.
Облыста 37 сауда базары бар, оның 18-і мамандандырылған, 19-ы әмбебап. Жалпы ауданы 571 660 шаршы метр, сауда орындарының саны 21 593 бірлікті құрайды, 7000-нан астам адам жұмыс істейді. Қалада 21, ауылдық жерде 16 базар орналасқан.
Тараз қаласында 14 базар бар, оның 4-і мамандандырылған, 10 әмбебап. Базарлардың жалпы ауданы 355 914 шаршы метрді құрайды, 9200 сауда орны, онда 4000-нан астам қала тұрғындары жұмыс істейді.
Сауда базарларын жаңғырту жөніндегі жол картасына сәйкес 2023–2025 жылдары Тараз қаласы бойынша 7 сауда базарын жаңғырту жоспарланған.
2023 жылы «Ақсай» және «Нұралы» базарлары бойынша жаңғырту аяқталды. 2024 жылы «Ауыл Береке» жаңғыртудан өтіп, іске қосу құжаттарын рәсімдеуде, ал, «Береке» базарының құрылыс жұмыстары 60% аяқталған. 2025 жылы «Жібек жолы», «Якка сарай» және «Салтанат» базарларын жаңғыртуды аяқтау жоспарлануда. 2023 жылдан бастап «Жібек жолы» базарының құрылыс-монтаждау жұмыстары жүргізіліп жатыр.